Ёрдамчии виртуалии «GOOGLE AI DUET» барои пианинанавози хуб шудан имкон медиҳад

0
708 просмотров

Коркардчиёни интеллекти сунъӣ аз Google бо ҷустуҷӯи роҳҳои нисбатан васеъ истифодабарии интеллекти сунъӣ дар соҳаи илм ва ғайра машғул мебошанд.

Масалан, Google AI Duet — и намоишдодашуда оҳанги мусиқии мавҷуднабударо аз худ фикр карда намебарояд ё ягон чизро аз файлҳои семплҳои тайёри  китобхонаи худ пахш намегардонад. AI Duet роҳу воситаи навозиши як шахси муайянро «меомӯзад» ва дар пайравӣ ба шахси навозанда оҳангро нисбатан фораму шунаво менавозад.

Бо шарофати алгоритмҳои махсус, ҳатто бе доштани ягон таҷриба дар бораи мусиқӣ ва навохта тавонистани он дар асбоби мусиқӣ, Шумо комилан дар асбоби мусиқӣ навохта метавонед. Вақте, ки истифодабаранда дар тугмаи вертуалии асбоби мусиқӣ ба навохтан оғоз мекунад, системаи  AI Duet (ки дар асоси нейрошабакаҳо сохта шудааст) тарзи навозиши навозандаро барои худ «қайд» мекунад. Ба ин «қайд» суръати ҳаракат, вазни навозиш ва боз бисёр чизҳои дигар дохил мешаванд. Дар асоси маълумоти дастрасшуда AI Duet мусиқии навозандаро бо элементҳои мусиқии худаш пурра менамояд ва шакли мусиқии аввалро такрор мекунад.

Новобаста аз сифати кор системаи мазкур аз нуқтаи назари истифодабарии имкониятҳои интеллекти сунъӣ дар соҳаи навиштани мусиқӣ ва беҳтар гардонидани сифати садодиҳӣ нисбатан шавқовар мебошад. Системаи AI Duet айни замон ба ҳар як нафар дастрас буда, дилхоҳ кас метавонад онро дар сомонаи расмӣ аз санҷиш гузаронад. Бояд қайд кард, ки AI Duet ин нахустин коркарди «мусиқавӣ» аз  Google нест. Зеро ширкат дорои якчанд намуди ин гуна ихтироот мебошад, аз «нақоранавози беохир» то нутқи ғайриодӣ, ки ҳамаи чизҳои ба обективи камера мефаромадаро дар шакли реп менавозад. Бо ҳамаи ин кашфиётҳои ширкат Шумо тавассути видеороликҳои дар зер чойгир кардашуда шинос шуда метавонед.

Нет комментариев

Также рекомендуем