З. Раҳимов аз футболбозон изҳори хушҳолӣ намуд

0
293 просмотров

Сармураббии дастаи мунтахаби наврасони то 16-солаи Тоҷикистон Зайниддин Раҳимов баъди ғалаба дар бозии ½ -ниҳоии Чемпионати Осиё оид ба футбол бар дастаи мунтахаби Кореяи Ҷанубӣ бо ҳисоби 7:6 (1:1), ки дастаи мунтахаби мамлакатро ба бозии финалии Чемпионати Осиё баровард, изҳор дошт, ки дастаи мунтахаби наврасони Тоҷикистон ин ғалабаро ба Президенти мамлакат мебахшад.

«Мо ин ғалабаро ба Президенти мамлакат, Пешвои муаззами миллатамон муҳтарам Эмомалӣ Раҳмон мебахшем. Зеро, Президенти маҳбуби кишвар барои ривоҷу равнақи футбол дар кишвар саҳми арзанда мегузоранд. Мо шодем, ки чунин бозии зебо нишон додем. Ташаккур ба мухлисонамон мегӯем, ки ба варзишгоҳ омада, моро дастгирӣ карданд. Вақте ки дар дақиқаҳои аввал ба дарвозаи ҳариф тӯб задем, хостем, ки ин натиҷаро нигоҳ дорем, аммо Кореяи Ҷанубӣ баъдан ҳисобро баробар кард.

Нимаи дуюми бозӣ бисёр душвор буд, аммо футболбозони мо қуввату тавоноии нав пайдо карда, дар ҳар қитъаи майдон муборизаи беамон бурданд, то ба ғалаба ноил шаванд. Барои ин ҷасорат ман ба онҳо изҳори минатдорӣ мекунам. Дар бораи силсилазарбаҳои пеналти ҳамин қадар мегӯям, ки он ба бозии лоторея шабоҳат дорад. Чун дар бозии пешина бо Кореяи Шимолӣ дарвозабони мо Мӯҳриддин Ҳасанов ба даста кумак кард. Ҳоло мо барои омодагӣ ба бозии ниҳоӣ бо дастаи мунтахаби Япония ду рӯз дар ихтиёр дорем. Тамоми кӯшишро барои ба даст овардани медалҳои тилло ба харҷ медиҳем”,-изҳор дошт Зайниддин Раҳимов.

Сармураббии дастаи мутахаби Япония Ким Юнг-су дар бораи ниҳоят душвор будани вохӯрӣ ҳарф зада, ба маҳорати олии футболбозони мо дар майдон баҳои баланд дод.

Манбаъ: АМИТ «Ховар»

Нет комментариев

Также рекомендуем

%d такие блоггеры, как:

Сообщить об опечатке

Текст, который будет отправлен нашим редакторам: