Замимаи нави Google тавассути ултрасадо пулро интиқол медиҳад

0
584 просмотров

Ширкати Google барои бозори Ҳиндустон, баҳри зуд интиқол додани маблағ ва интиқоли бе алоқа замимаи нави Tez-ро пешниҳод намуд, ки дар тарҷима аз забони ҳиндӣ ба тоҷики маънои «зуд»-ро дорад. Барнома дар дилхоҳ смартфон, ҳатто смартфони кӯҳнашуда, ки дорои баландгӯяк ва динамика ҳаст, кор мекунад ва мавҷудияти суратҳисоби бонкии NFC-чипро талаб намекунад. Дар замимаи Tez технологияи «аудио-QR» истифода бурда шудааст. Вақте, ки дар ҳарду телефон «реҷаи пули нақд» фаъол мегардад, дар байни дастгоҳҳо пайвастшавии беноқил ба вуҷуд меояд. Барои идентификатсияи шахси маблағро ирсолкунанда ва шахси маблағгиранда мавҷҳои ултрасадо истифода бурда мешавад, ки ба гӯши одамӣ шунаво нест. Кори функтсияи нав бо нақд ба даст супоридани пул баробар аст. Замимаи Tez додани маълумоти асосии шахсӣ ё рақами телефонро талаб намекунад. Интиқоли воситаи пулӣ тавассути пардохти универсалии интерфейси UPI амалӣ карда мешавад. Замимаи нав 55 бонкҳои давлати Ҳиндустонро дастгирӣ менамояд. Таърихи интиқоли маблағҳо дар намуди диалогҳо чун дар мессенджерҳо нигоҳ дошта мешаванд.

Android Pay –ро барои интиқоли пулӣ ба хориҷа мутобиқ гардониданд

Барномаи пардохтии Google эҳтимол дар байни истифодабарандагони ҳинд ва тиҷорати хурд серталаб гардад. Чуноне The Verge қайд мекунад, дар Ҳиндустон наздики 300 миллион нафар дорандагони смартфонҳо ба қайд гирифта шудаанд. Аҳолии мамлакат асосан гаджетҳои дараҷаи поёну миёнаро бо модели нисбатан қиммат, бо NFC-чип афзал мешуморанд.

Нет комментариев

Также рекомендуем