Замимаи нави MAIL.RU барои бехатарии аккаунтҳо пешбинӣ шудааст

0
72 просмотров

Истифодабарандагон имрӯз имконият доранд, ки ҳама амалҳоро он-лайн иҷро намоянд. Аз хизматҳои коммуналӣ сар карда, то хариди авиачиптаҳо, банд кардани меҳмонхонаҳову фармоиши озуқаворӣ ба хона ва ғайраро фаъол гардонанд. Барои он ки ҳамаи ин корҳоро тариқи интернет иҷро намуд, мебояд маълумотҳои шахсии зиёдеро дар интернет-аккаунтҳои мухталиф пешниҳод сохт. Ин тадбир боиси пурзӯр шудани киберқаллобӣ дар шабакаҳои иҷтимоӣ мегардад. Бо вуҷуди он ки, аксарияти сарчашмаҳо ҳамеша системаи бехатарии худро мукаммал намуда итодаанд, истифодабаранда ҳамчунин метавонад мустақилона ба бехатарии худ, таъсир расонад.

“Ба касе пӯшида нест, ки бадномсозии аккаунтҳо аксар вақт дар натиҷаи беэҳтиётии худи истифодабарандагоне, ки ба қоидаҳои маъмули беҳдошти интернетӣ беэътиноӣ зоҳир менамоянд, рух медиҳад.  Масалан, онҳо номҳои махфии (пароль) начандон душвор ва ҷавобҳои оддиро барои саволҳои ниҳонӣ интихоб мекунанд ё ин ки як номи махфиро дар якчанд хизматгузориҳо истифода мебаранд. Дар натиҷа онҳо аз ҷониби маккорон зарар мебинанд. Аммо ҳамоно дар азнавбарқароркунии барномаи зиддивирусӣ (антивирус) танбалӣ зоҳир мекунанд”,- иброз менамояд ноиби президенти Mail.Ru Group, роҳбари қисми тиҷории  Почта ва портал, Анна Артамонова.

“-Мо қарор додем, ки дар як ҷо ҳамаи тавсияҳои муҳимтаринро ҷамъ оварда, онро бо таърихи истифодабарандагоне, ки дар натиҷаи бемулоҳизагии худ аллакай зарар дидаанд, мустаҳкам созем. Барои нафароне, ки дар интихоб намудани номҳои махфи душворӣ мекашанд, мо генератори номҳои ниҳониро пешбинӣ намудем”.

Дар сомона таърихи воқеии одамоне, ки натанҳо аз амалиётҳои киберҷинояткорон ҷабр дидаанд, балки номҳои ниҳонии онҳоро ба осонӣ шиносҳояшон аз худ кардаанд, ҷамъ оварда шудаанд. Ба ғайр аз маслиҳатҳо, хамчунин гуфта мешавад, ки Mail.Ru барои нигоҳдории маълумотҳои истифодабарандагонаш аз ҷинояткорон, чигуна корҳоро ба сомон мерасонад. Ҳамчунин дар манбаъ метавон сатҳи эътимоднокии номҳои пинҳони (пароль)-е, ки худи истифодабаранда мустақилона ворид намудааст, санҷид.

Cарчашма: https://hi-tech.mail.ru/news/security-mail-ru.html

Нет комментариев

Также рекомендуем