Замони набарди навбатии Ҳабиб муайян шуд

0
462 просмотров

Намояндаи қаҳрамони UFC Ҳабиб Нурмагомедов — Алӣ Абдулазиз дар бораи нақшаҳои размовар дар соли равон ба ESPN нақл кард.

«Ӯ ба ман дастурҳои вижа дод. Ӯ гуфт мехоҳад 7 сентябр ва моҳи декабр ба майдон барояд. Агар Ҷорҷ Сент-Пер мушкилашро бо UFC ҳал кунад, як таниши дигар моҳи апрел баргузор хоҳем кард. Ӯ мехоҳад моҳи апрел ба мубориза барояд»,-гуфт Абдулазиз.

Пештар Ҳабиб гуфта буд, ки моҳи сентябр ба шарте ба майдон мебарояд, агар Зубайр Тухугов ва Абубакр Нурмагомедов, ки бо айби ӯ аз ширкат дар муҳорибаҳо маҳрум шуданд, пеш аз ӯ ба майдон бароянд. Дар айни замон Ҳабиб давраи маҳрумият аз ширкат дар муҳорибаҳоро паси сар мекунад. Ӯ пас аз рақобат бо Конор Макгрегор аз ширкат дар сабқатҳо маҳрум шуд. Ҳабиб Нурмагомедовро дар паи ин муноқиша, аз камарбанди қаҳрамонӣ маҳрум накарданд, аммо 250 ҳазор доллари ИМА ҷарима намуданд. Комиссияи иёлати Невадаи Амрико, Ҳабиб Нурмагомедов ва Конор Макгрегорро барои ҷанҷол аз ҳаққи ширкат дар бозиҳо маҳрум кард. Қарори вижаро Комиссияи иёлати Невада (NSAC) қабул кард. Нурмагомедов аз ҳуқуқи ширкат дар бозиҳо ба мӯҳати 9 моҳ ва Конор 6 моҳ, Ҳабиб ба 500 ҳазор доллар ва Макгрегор ба 50 ҳазор доллар ҷарима шудаанд. Ба гуфти падари Ҳабиб, варзишгар фаъолияташро пас аз рақобат бо Ҷорҷ Сен-Пери канадагӣ, Тони Фергюсони амрикоӣ ва Флойдом Мэйуэзер хотима медиҳад.

Манбаъ: Варзиш-тв

Нет комментариев

Также рекомендуем

%d такие блоггеры, как:

Сообщить об опечатке

Текст, который будет отправлен нашим редакторам: