Зан ва зебоӣ.

0
333 просмотров

Ҳар як бону дар қаъри дилаш як заррачае норозигӣ аз чеҳра, рӯй, мӯй ё дигар ҷузъиёти ҳусни худ дорад. Оё метавон ин «хатоҳои табиат»-ро ислоҳ намуду ба маънии томаш маликаи ҳусн гашт?

-Ҳусни зан ҳам мисли 4 унсури дунё 4 ҷӯзъиёти асосӣ дорад: мӯйи зебо, чеҳраи нафис, нигоҳи ҷаззоб ва дандонҳои садафосо.

-Мӯйҳои зебо ва хушрӯй ородода аввалин ганҷи зан аст. Агар мӯяш зебо бошад, камбудиҳои дигари ҳусни занро мепӯшонад ва ӯро зебо ҷилва медиҳад. Аз ин рӯ, хонумҳо бояд ба парвариши кокулонашон диққати бештар диҳанд, мутаассифона, баъзе бонувони тоҷик барои нигоҳубини мӯйҳояшон ё вақт надоранд ё ҳавасу ҳавсала.

Сабабҳои рехтани мӯйи сар зиёданд ва барои бартараф намудани ин иллат пеш аз ҳама бояд сарчашмаро пайдо ва даво намуд. Камхунӣ метавонад сабаби аввалини рехтани мӯйи сар гардад. Сабаби дигари резиши мӯй нарасидани витаминҳо аст.

-Мӯйро бо витаминҳо бо 2 роҳ таъмин кардан мумкин аст. Аввал бо хӯрдани ғизоҳои витаминдор. Дуввум витаминҳое, ки махсусан барои парвариши мӯйҳо ҳастанд ва бо воситаи сӯзандору ин витаминҳоро ба решаи мӯй мегузаронанд.

Аввалан, бояд бигӯям, ки Худованд ҳеҷ инсонеро безеб наофаридааст, махсусан занҳоро. Дар дунё зани безеб нест. Ҳар зан дар баробари камбудӣ як ҷузъи зебоӣ –дандони хушрӯй, чашми барқпош ё чизи дигаре дорад, ки нишонаи зебоиш аст, вале худи хонумҳо аз ин «яроқ» истифода бурда наметавонанд. Ҳуснро бояд парвариш намуду камбудиро ислоҳ кард.

Ороиши дуруст метавонад чашмҳоро аз будашон калонтар ё баръакс хурдтару нигоҳро ҷозибанок созад

Аввалан худро бояд дӯст доранд. Зане, ки худро дӯст намедорад, зебо бошад ҳам, ба назари худаш ва атрофиён зебо наменамоянд. Табъашонро хуш доранд. Табъи хуш – беҳтарин ороиш ва таъсирноктарин роҳи зебо шудан аст. Беҳуда нагуфтаанд, ки ҳусни инсон аз даҳон медарояд. Ва ниҳоят, пӯст, рӯй, мӯй, дандон ва чашму абрувони худро нигоҳубин намоянд. Ҳамчуноне, ки Шумо ба парваришу ғизо ниёз доред, ҳусн низ ниёз ба ғизою парвариш дорад.

Агар мустақилона пӯстатонро сафед карданӣ бошед, бояд усулеро интихоб намоед, ки зарарнок набошад, ҳар як воситаи интихобнамудааатонро аввал дар пӯстатон санҷида бинед. Реаксияи манфӣ пайдо нашавад ҳам, ҳангоми истифода дастурамалро риоя намоед. Малҳамҳои сафедкунандаи пӯст, ки аз ҷониби ширкатҳои косметикӣ ва фармакологӣ пешниҳод мегарданд, асосан аз симоб ва бисмут тайёр шудаанд. Ҳар қадаре дар таркиби малҳамҳо ин ду элементи кимиёвӣ зиёд бошад, ҳамон андоза самарабахш аст. Фаромӯш насозед, ки ин элементҳо заҳрноканду боиси пайдо шудани аллергия мегарданд. Малҳами беҳтарин барои сафедкунонии пӯст дар асоси гидрохинон тайёр шуда ниҳоят заҳрнок аст. Аз малҳамҳо танҳо бо маслиҳати духтури дерматолог истифода баред.

Пӯстро дар шароити хона низ сафед кунонидан мумкин аст. Бо ин мақсад лимӯ ё ҷавҳари лимӯро зиёд истифода мебаранд. Агар Шумо аз меваҳои ситрусӣ аллергия дошта бошед, аз ин усул даст кашиданатон лозим аст.

Шарбати як лимӯро бо сафедии як дона тухм, як қошуқча шакар ва ду қошуқча об омехта карда, ба пӯсти тозаи рӯятон молед. Ниқоби лимӯгиро дар пӯсти рӯй 30 дақиқа нигоҳ дореду баъдан бо об шӯед (бе истифода аз собун) ва малҳами нармкунанда молед. Ҳамагӣ 7 маротиба истифода намудани ин ниқоб (дар ду рӯз як бор) кифоя аст.

Ба баргҳои тару тозаи ҷаъфарӣ (петрушка) оби ҷӯшида рехта, дар оташи паст каме нигоҳ доред. Оби полонидашударо хунук кунонида, як қисмашро бо миқдори баробари шарбати лимӯ омезед. Мушкоби ҳосилшударо ба шишачае гирифта, ҳар саҳару бегоҳ баъди шустани рӯй ба пӯстатон молед.

Як бодиринги тару тозаро аз турбтароши сурохиҳояш хурд гузаронида, қаймоқ (сметана) ё малҳам илова кунед. Маҳлули омодашударо ба пӯсти қаблан тозанамудаи рӯй молида, 20 дақиқа нигоҳ доред. Ниқоби бодирингиро бе истифодаи воситаҳои шустушӯӣ шӯед. Чунин ниқобро давоми 10 рӯз ҳар рӯз ба рӯй молидан мумкин аст. Дар хотир доред, ки чунин ниқобро дурудароз нигоҳ доштан мумкин нест, ҳар дафъа ниқоби нав омода созед.

Як қошуқ баргҳои кӯфтаи ҷаъфарӣ (петрушка) ва ҳамин миқдор асалро якҷоя карда ба рӯятон моледу пас аз 45 дақиқа рӯятонро шӯед. Ба ин малҳам шарбати лимӯ илова кардан мумкин аст. Дар ин сурат 2 қошуқ барги кӯфтаи ҷаъфарӣ, 2 қошуқ асал ва 2 қошуқ шарбати лимӯро омехта карда ба рӯятон моледу 15 дақиқа нигоҳ доред.

 

Нет комментариев

Также рекомендуем