Занбуруғ 100 ҳазор намуд дорад

0
604 просмотров

Занбуруғҳо гуруҳи калони организмҳо буда, тақрибан 100 ҳазор намуд доранд. Онҳоро аз руйи таснифоти ҳозир амал кунанда ба 6 синф ҷудо менамоянд, ки аз инҳо 3 тоаш ба занбуруғҳои дараҷаи паст ва 3-тои дигараш ба занбуруғҳои дараҷаи олӣ мансубанд. Агар занбуруғҳои дараҷаи паст сохти якхуҷайрагӣ дошта бошанд, занбуруғҳои дараҷаи олӣ бисёрҳуҷайраанд. Тахмин меравад, ки синфҳои гуногуни занбуруғҳо шояд аз организмҳои содаи қадима пайдо шуда бошанд. Занбуруғҳо мавҷудоти хеле паҳншуда мебошанд.

Онҳо дар ҳама ҷое, ки моддаҳои органикӣ ҳастанд, яъне дар хок, об, хонаҳои истикоматӣ, маҳсулотҳои гуногуни ғизоӣ, дар наботот, бадани инсону ҳайвонот мавҷуданд. Онҳо агарчанде аз ҷиҳати сохташон гуногун бошанд ҳам, аз руйи тарзи ғизогириашон ба ҳамдигар монанданд.  Занбуруғҳо аз моддаҳои тайёри органикӣ ғизо мегиранд. Аз рӯйи ин хусусияташон онҳо ба хайвонот наздиканд, лекин аз руйи тарзи қабул кардани хӯрок бо роҳи ҷаббидани он ба растаниҳо монандӣ доранд. Ғизогирии занбуруғҳо бо тарзи сапрофита ё паразитӣ мегузарад. Зеро дар ҳуҷайраи занбуруғҳо хлорофилл мавҷуд нест ва онҳо табиатан қобилияти фотосинтез карданро надоранд. Агар занбуруғҳои сапрофита моддаҳои органикии тайёрро (организмҳои нобудшударо) ғизо гиранд, занбуруғҳои паразитӣ, баръакс, дар ҷисми мавҷудоти зинда (ҳайвоноту наботот) дохил шуда, аз ҳисоби онҳо ғизо мегиранд.

 

 

Нет комментариев

Также рекомендуем

Дастгоҳи беҳамтое кашф гардид, ки дар давоми 20 дақиқа мавҷудияти ҳамагуна бемориро ошкор менамояд

Як гурўҳ муҳаққиқон аз Бритонёи Кабир дастгоҳи кисагие кашф намуданд, ки дар давоми дақиқаҳои кўтоҳи башумор аз мавҷудияти касалиҳои гуногун далолат медиҳад, хабар додааст The ...