Заррина чоргоник — 3 духтар ва 1 писар таваллуд кард

0
793 просмотров

Сокини 22-солаи шаҳри Бохтар Заррина Неъматова чоргоник — 3 духтару 1 писар ба дунё овард. Модар ва тифлонаш худро хуб ҳис мекунанд.

Тавре Шералӣ Раҳматуллоев, сардори Раёсати ташкили хизматгузории тиббӣ ба модарону кӯдакони Вазорати тандурустии ҷумҳурӣ дар ин робита хабар дод, чоргоникҳо дар таваллудхонаи №1-уми шаҳри Душанбе ба дунё омада, вазнашон аз 1500 то 1700 граммро ташкил медиҳад.

Новорожденные дети

«Ин таваллуди нахустини Заррина Неъматова буда, барояш ва тифлони навзод бе ҳеҷ гуна мушкилӣ анҷом ёфт», — иброз дошт номбурда.

Ба гуфтаи табибон, Заррина ва ҳамсараш Фаррух Субҳонқулов алҳол каме ҳайратзадаву дар шигифт бошанд ҳам, лекин хеле хушбахту хурсанданд. Онҳо донишҷӯёни Донишгоҳи тиббӣ буда, соли гузашта издивоҷ кардаанд. Манзили худро надоранд, бо волидони Фаррух иқомат дошта, дар Душанбе хона иҷора гирифтаанд.

Ёдрас мекунем, ки соли 2017 сокини Душанбе Гулшан Маҷнунова низ чоргоник тавалллуд карда, ба оилаи онҳо хонаи сеҳуҷрагии муҷаҳҳаз бо тамоми асбобу лавозимоти рӯзгор туҳфа шуда буд.

Хотиррасон менамоем, чоргоникҳое, ки санаи 22-юми майи соли 2015 дар таваллудхонаи №1-уми пойтахт сокини шаҳри Панҷакент Субҳия Норинова ба дунё овард, мутаассифона зинда намонданд.

Сардори Раёсати ташкили хизматрасониҳои тиббӣ ба модарон, кӯдакон ва банақшагирии оилаи Вазорати тандурустӣ ва ҳифзи иҷтимоии аҳолии Тоҷикистон Шералӣ Раҳматуллоев дар ин робита изҳор намуд, ки як писару се духтарча ноқис (чала) ба дунё омада, барои зинда мондан имкон надоштанд.

«Онҳо хеле камвазн ба дунё омада, тифли якум — 1 кг 110 грамм, дуюм — 1 кг 340 грамм, сеюм — 1 кг 100 грамм ва чорум — 1 кг 150 грамм вазн доштанд», — гуфт Ш.Раҳматуллоев.

Намояндаи Вазорати тандурустӣ қайд кард, ки чоргоникҳои рӯзи 4 феврали соли 2017 дар таваллудхонаи №3-уми шаҳри Душанбе чашм ба олами ҳастӣ кушода, дар оилаи сокини 26-солаи ноҳияи Ёвон Гулшан Маҷнунова худро хеле хуб ҳис мекунанд.

Қобили зикр аст, ки тавалуди чоргоникҳо дар Тоҷикистон аҳёнан рух дода, дар гузашта аксаран сегоникҳо таваллуд шудаанд. Дар робита ба таваллуди чоргоникҳо президенти Тоҷикистон ба оилаи Гулшан Маҷнунова манзили сеҳуҷрагӣ ҳадя намуд.

Манбаъ: Сомонаи «Азия Плюс»

Нет комментариев

Также рекомендуем