Зебодухтарони тоҷик маскавиҳоро мафтун намуданд

0
942 просмотров

Гурӯҳе аз ҷавонони тоҷик дар Рӯзи Русия, ки дар боғи Эрмитажи Маскав таҷлил шуд, бо пироҳанҳои миллӣ ва зебоии тоҷикона маскавиҳоро тасхир карданд.

Зебодухтарони точик-3

Тоҷикони муқими Маскав дар ҷашни Рӯзи Русия ширкат карданд. Намояндагони созмони муҳоҷирони Тоҷикистон ҳамроҳи дигар маскавиён ва меҳмонони пойтахти Русия дар боғи Эрмитаж ҷашнвораи «Самоварфест» ташкил карданд.

«Намояндагони Тоҷикистон бо пироҳанҳои миллӣ дар ҷашн зеботарин буданд. Онҳо ҳамвора таваҷҷуҳи ҳамагонро ба худ ҷалб мекарданду ҳар кас мехост тоқиҳояшонр ба сар гузорад», — навиштааст Аслишо Акимбеков, раҳбари кумитаи фарҳанги созмони «Нур» дар сафҳаи фейсбукияш.

Ҷашнвора бо ширкати намояндагони мардумони гуногуни Русия бо чойхӯриву рақсу бозӣ баргузор шуд. Гуфта мешавад, ки дар ин барнома беш аз 1,8 ҳазор кас ширкат кардааст.

Самовар - рамзи аслии Рӯзи Русия

Рамзи ҷашнвора — самовар ё чойҷӯш буд. Ин чойҷӯш бузургтарин самовари дунё буда, 1,95 метр баландӣ дорад. Самовар дар маркази майдони ҷашнгоҳ гузошта шуда буд.

Зебодухтарони точик-2

Ҳадаф аз баргузории ин ҷашнвора дар Рӯзи Русия муттаҳид кардани мардумони гуногуни Русия аз бумиёну муҳоҷироон гуфта шудааст.

«Кишвари мо хонаводаи байналмилалии моро, ки ибдорат аз 193 қавм аст, ба ҳам овард. Самовар — рамзи муттаҳид кардан аст», — гуфт раҳбари бахши умурии миллии шаҳрдории Маскав Виталий Сучков.

Зебодухтарони точик

Тоҷикон дар ин ҷашнвора дар аксбардорӣ рекорд нишон доданд. Ҳар касе кӯшиш мекард, то бо нозанинони тоҷик акс бигирад.

Манбаъ: http://sputnik-tj.com/

Нет комментариев

Также рекомендуем

Наврӯз ва расму ойинҳои он

Дар тӯли садсолаҳо Наврӯз ва ойину маросимҳои марбути он вобаста ба идеологияи давлатҳои ҳукмрон борҳо ба тағйиру дигаргуниҳо мувоҷеҳ шудааст ва мардуми тоҷику халқҳои дигари ...
%d такие блоггеры, как:

Сообщить об опечатке

Текст, который будет отправлен нашим редакторам: