Зинаҳои бехатарӣ дар Gmail

1
555 просмотров

Сӯроғаи почтаи электронӣ – яке аз маъмултарин воситаи бақайдгирӣ дар шабакаи иҷтимоӣ ва хизматрасонии-интернетӣ мебошад. Агар қисми бехатарӣ дар сӯроғаи электронӣ хуб ба роҳ монда нашуда бошад, ин амал боиси он мегардад, ки додаҳои шахсиатон метавонад дастрасӣ ҳамагон гардад. Ин албатта Шуморо нороҳат ва асабонӣ мекунад. Агар аз  хизматрасониҳои  Gmail истифода бубаред, пас бароятон якчанд тавсия баҳри ҳифзи додаҳои шахсиатон пешниҳод менамоем.

Google якчанд асбобро барои маҳдуд намудани дастрасӣ ба аккаунтатон пешниҳод  менамояд, ки аз онҳо танҳо  баъзеаашон амалҳои фаъолатонро талаб менамояду халос.

Воситаҳои барқароркунии аккаунтро дар ҳолати актуалӣ нигоҳ доред

Воситаҳои барқароркунӣ имкон медиҳанд, ки аккаунтро аз ҷинояткорон ҳифз намуда дар ҳолати зарурӣ дастрасиатонро барқарор намоед.

  • Рақами телефони мобилӣ –  бо аккаунт пайваст намоед. Ҳангоми фаъолнокии  ғайримуқаррарӣ Google бо тариқи SMS рамз равон мекунад. Рамзи тасдиқшуда боиси он мегардад, ки фаъолнокии ғайримуқаррарӣ аз ҷониби соҳиби аккаунт иҷро шуда истодааст ё не. Ҷинояткор ҳам поҷтаи электронӣ ва ҳам телефони мобилиатонро акҷоя намедуздад.
  • Сӯроғаи электронии иловагӣ –  ҳамчун воситаи ёрирасон барои муайян намудани шахсият хизмат мерасонад. Шарт нест ин суроға дар Gmail ба қайд гирифта шуда бошад, агар Шумо сӯроғаи иловагӣ надошта бошед пас метавонед суроғаи шахсе, ки ба ӯ боварии комил доред ворид намоед (шавҳар, зан, дӯст).
  • Саволи махфӣ – чунин саволеро интихоб намоед, ки ҷавобашро худи Шумо донеду, ҳангоми зарурӣ тавонед ба хотир оварда ворид намоед.

Аутентификатсияи дузинагиро истифода бубаред

Ҳаммонандии дузинагӣ (Двухэтапная идентификация) – Ҳангоми ворид намудани ном ва гузарвожа дар бақайдгирӣ ба Шумо рамзи махсус пешниҳод карда мешавад. Рамз ба телефони мобилии ба қайд гирифта шуда равон карда мешавад, дар баробари ин боз намудҳои дигар низ мавчуд аст.

Масалан:  Google метавонад рамзро ба Шумо бо тариқи садо равон намояд. Ҳангоми истифода бурдани барномаи мобилӣ барои смартфон Google Authenticator  (Android, iPhone ё ин ки BlackBerry) – ро истифода бубаред, Шумо рамзро бе дастрасӣ ба интернет ворид намуда метавонед. Албатта рамзро ҳама вақт ҳангоми дохилшавӣ ба сӯроға ворид намудан зарур нест, танҳо метавонед таҷҳизоти шахсиатонро боваринок қайд намоед дар ин маврид кофист.

Гузарвожаҳои беҳамто ва мушкилро истифода бубаред

Гузарвожаи хуб аз ҳарфҳои калону хурд ва рақамҳо иборат аст. Агар хоҳед, ки зинаи бехатарии рамзатонро муайян намоед, пас аз ин хизматрасонии интернетӣ  истифода бубаред.

Дар Gmail истифодабарии протоколи HTTPS-ро интихоб намоед

HTTPS (HyperText Transfer Protocol Secure) — бо рамз навиштанро дастгирӣ менамояд. Дигар хел карда гуем канали бехатар будаба аккаунтатон бехатариро таъмин менамояд.

Тартиботи пинҳониро истифода бубаред

Айни замон тамоми браузерон дорои ин гуна хизматрасонӣ мебошанд. Ҳангоми кор кардан дар ин тартибот браузер таърихро дар хотир намегирад.

Бехатариро барои тамоми система таъмин намоед

Бо мумури замон браузератонро аз нав гардонед.

Манбаъ: matrix-tv.tj

1 comment

Опубликовать новый комментарий

Также рекомендуем