Мусобиқаи Dushanbe Grand Slam 2025 дар қалби Тоҷикистон шаҳри Душанбе бо як шукӯҳу шаҳомати хосса доир шуда, ба анҷом расид. Дар рӯзи охири мусобиқа паҳлавонҳои тоҷик соҳиби 3 медал шуданд.
Темур Раҳимов дар вазни +100 кг бо ҳунару маҳорати волои худ соҳиби медали тилло шуд. Дар рақобати финали Темур бо имтиёзи иппон ғалабаро бар ҷудокори озарӣ Ҷамол Ғамзатхонов ба даст овард. Ин тиллои дуюми Темур дар мусобиқаҳои Гранд Слам буд. Дар умум Темур дар мусобиқаҳои Гранд Слам соҳиби 10 медал, 2 тилло, 4 нуқра ва 4 биринҷӣ шудааст, ки дастоварди таърихӣ барои як ҷудокори тоҷик маҳсуб мешавад.
Дар вазни то 100 кг Ҷаҳонгир Маҷидов бо мағлуб кардани рақибон то ба финал омад ва онҷо аз паҳлавони ботаҷриба Ҷаъфар Костоев аз АМА шикаст хӯрда, соҳиби нишони нуқра гардид. Ин аввалин нуқра ва дар умум 5 –умин медали Маҷидов дар мусобиқаҳои Гранд Слам буд.
Дар ҳамин вазн, Кароматулло Ҳакимов соҳиби нишони биринҷӣ шуд. Дар рақобат барои нишони биринҷӣ Ҳакимов ғалабаро бар намояндаи Британия Кабир Оливер Барратт соҳиб шуд. Барои Кароматулло аввалин медал дар мусобиқаҳои Гранд Слам маҳсуб мешуд .
Маврид ба зикр аст, ки дар рӯзи охири мусобиқа 13 ҷудокори тоҷик баромад намуданд ва танҳо ба Темур, Ҷаҳонгир ва Кармотулло даст дод то соҳиби ҷоизаҳои мусобиқа гарданд. Дар вазни то 90 кг Муҳаммадҷон Абдуҷалилзода, Умедҷон Раҷабов, Шодмон Ризоев, Музаммир Каримзода, дар вазни то 100 кг Парвиз Абдураҳмонов, Муҳсин Малаев, дар вазни +100 кг Мансур Раҳмон, Некрӯзшоҳ Некбахтзода, Раҳматулло Мирзоев ва дар вазни +78 кг Виктория Киселёва мағлуб шуда, бидуни ҷоиза мусобиқаро ҷамъбаст намуданд.
Дар мусобиқа 226 ҷудокор аз 27 кишвари ҷаҳон ширкат варзиданд. Аз ҳисоби медалҳо Тоҷикистон бо 11 медал, 4 тилло, 3 нуқра ва 4 биринҷӣ ҷои аввалро миёни 27 кишвари иштирокчӣ ишғол намуд. Озарбойҷон бо 4 медал дар ҷои дуюм ва Фаронса бо 7 медал дар зинаи сеюм мавқеъ гирифтанд.
Ёдовар мешавем, ки бори аввал дар таърихи ҷудои Тоҷикистон дар як мусобиқаи Гранд Слам 11 медал, 4 тилло, 3 нуқра ва 4 биринҷӣ ба даст омад.
Ин нишондоди таърихи дар мусобиқаи Dushanbe Grand Slam 2025 рақам хӯрда, шаҳодат аз рушду равнақи ҷудои тоҷик ба ҷаҳониён дарак медиҳад.
Қобили зикр аст, ки соҳибони медалҳои тилло Эмомалӣ Нуралӣ (-66 кг), Муҳиддин Асадуллоев (-73 кг) , Сомон Маҳмадбеков (-81 кг), Темур Раҳимов (+100 кг), медалҳои нуқра Меҳрзод Суфиев (-60 кг), Обид Ҷебов (-66 кг), Ҷаҳонгир Маҷидов (-100 кг) ва медалҳои биринҷӣ Мадина Қурбонзода (-52 кг), Ёсин Бобокалонов (-66 кг), Абубакр Шеров (-73 кг), Кароматулло Ҳакимов (-100 кг) гардиданд.
Рӯйдоди дигари таърихии мусобиқа ин медали биринҷии Мадина Қурбонзода буд. Бо ин дастовард Мадина аввалин бонуи ҷудокори тоҷик шуд, ки дар мусобиқаҳои Гранд Слам соҳиби медал гардид. Ҳоло ҳамагӣ Мадина 17 сол дорад ва ояндаи дурахшон ӯро интизор аст.
Ғолибони рӯзи охири Dushanbe Grand Slam 2025
Бонувон
Вазни -78 кг
1.Эмма Рейд (Британияи Кабир)
2. Юхиао Пенҷ (Чин)
3.Кайла Иссоуфи (Фаронса)
3.Алина Боэҳм (Олмон)
Вазни +78 кг
1.Чунди Ҷиа (Чин)
2.Йе Лианг (Чин)
3.Алфииа Дашкина (IJF)
3.Номинзул Дамбадарйаа (Муғулистон)
Вазни -90 кг
1.Элҷан Ҳоҷиев (Озарбойҷон)
2.Вугар Толибов (Озарбойҷон)
3.Егор Андони (IJF)
3.Адам Копески (Чехия)
Вазни -100 кг
1.Ҷаъфар Костоев (АМА)
2.Ҷаҳонгир Маҷидов (Тоҷикистон)
3.Кароматулло Ҳакимов (Тоҷикистон)
3.Фучун Ҳуанг (Чин)
Вазни +100 кг
1.Темур Раҳимов (Тоҷикистон)
2.Ҷамол Ғамзатхонов (Озарбойҷон)
3. Уткирбек Туробоев (Ӯзбекистон)
3.Тиеман Диаби (Фаронса)
Нет комментариев