Ин таркиш субҳи 31.01.2021с. дар минтақаи Гандумаки вулусволи Шерзоди вилояти Нангарҳори Афғонистон бо истифода аз автомашинаи муҷаҳҳаз бо маводи тарканда рух додааст, хабар медиҳад АМИТ «Ховар» бо истинод ба шабакаи телевизионии tolonews.com.
Дар ҳамлаи террористӣ бо истифода аз автомашинаи бомбагузоришуда ба як посгоҳи неруҳои амниятӣ дар вулусволи Шерзоди вилояти Нангарҳор ҳашт тан аз неруҳои ҳифзи тартиботи ҷамъиятӣ ҷон бохтанд.
Дар хабарномаи маъмурияти волии Нангарҳор изҳор шудааст, ки ин инфиҷор субҳи рӯзи гузашта дар минтақаи Гандумаки вулусволи Шерзоди вилояти Нангарҳор бо истифода аз автомашинаи муҷаҳҳаз бо маводи тарканда рух додааст.
Оятуллоҳ Хугиёнӣ, сухангӯи волии Нангарҳор, гуфт: «Дар ин ҳодиса ҳашт сарбози мо ба шаҳодат расиданд ва инчунин таркиш талафоти бузурги молӣ низ ба бор овардааст».
Насируллоҳ Софӣ, фармондеҳи неруҳои тартиботи ҷамъиятӣ дар шарқ гуфт: «Дар ин ҳамлаи террористӣ автомашинаи дорои маводи таркандаро як маргталаб дар назди посгоҳи амниятӣ тарконидааст».
Убайдуллоҳ Шинворӣ, муовини раиси Шӯрои вилояти Нангарҳор ба TOLOnews гуфтааст, ки дар натиҷаи таркиш 14 корманди амниятӣ ҷон бохтаанд.
Манбаъ: АМИТ «Ховар»
Нет комментариев