Кормандони Microsoft ва ширкати Liebherr яхдони SmartDeviceBox офариданд, ки маҳсулоти хӯрокаро аз ҳамдигараш фарқ карда метавонад ва дар ҳолати зарурӣ за мағоза харидани ягон маҳсулоти дигарро ба соҳибаш хотиррасон мекунад, хабар медиҳад иштирокчии лоиҳаи Хейзен Тимоти дар блоги худ.
Яхдон бо интернет
Гурӯҳи муҳандисон аз камераи муқаррарӣ ва системаи электронии ашёҳоро шиносанда истифода бурданд. Компютер намуди зоҳирии як маҳсулоти хӯрокаи навро бо маҳсулотҳои қаблии дар яхдон гузошташуда муқоиса мекунад ва намуди онро дар хотир нигоҳ медорад. Вале барои кори комили SmartDeviceBox пайвастшавӣ ба интернет лозим аст.
Истифодабарӣ
Ҳамин тавр, кори ҳисоботии яхдон дар реҷаи автоматикӣ ё ғоибона бо ёрии телефон ё планшет пеш бурда мешавад. Вале ин танҳо намуна барои итсифодабарӣ мебошад. Инчунин системаро барои назорат бурдан аз пайи мӯҳлати қобили истеъмол будани маҳсулоти хӯрокворӣ ё ба соҳибхона хотиррасон кардани харидории маҳсулоти нав аз мағоза омӯзонидан мумкин аст.
Ҳоло лоиҳаи SmartDeviceBox аз Microsoft ва истеҳсолгари олмонии техниаки маишии Liebherr дар зинаи коркардёбӣ қарор дорад. Вале аллакай ҳоло система мунтазам маҳсулотҳоро шинохта истодааст ва зуд омӯхта истодааст, хабар медиҳад Тимоти.
Нет комментариев