Вохӯрии раисони шаҳру ноҳияҳо бо донишҷӯён

0
4 870 просмотров

Дар асоси ҷадвали тасдиқгардидаи Мақомоти иҷроияи ҳокимияти давлатии вилояти Суғд вохӯрии раисони шаҳру ноҳияҳо бо донишҷӯён оғоз ёфт. Чунин як мулоқот дар толори Муассисаи давлатии Кохи фарҳанги «Суғдиён»-и маркази вилоят доир шуд. Раиси шаҳри Гулистон Сатториён Матлубахон Амонзода бо донишҷӯёни гулистоние, ки дар муассисаҳои таҳсилоти олӣ ва миёнаи касбии шаҳри Хуҷанд таълим мегиранд, суҳбат орост. Мулоқотро мудири шуъбаи рушди иҷтимоӣ ва робита бо ҷомеаи дастгоҳи Раиси вилояти Суғд Тоҷибой Султонзода ҳусни ифтитоҳ бахшид ва сипас Матлубахон Амонзода роҷеъ ба дастовардҳои соҳаҳои гуногуни шаҳр дар давоми ёздаҳ моҳи соли равон, вусъати корҳои ободониву созандагӣ, ташкили ҷойҳои нави корӣ, рушди соҳаи маориф иттилоъ дод. Ӯ зикр намуд, ки «тамоюли рушди саноат дар шаҳр пеш меравад ва эҳтиёҷ нисбат ба қувваи корӣ дар шаҳр сол то сол меафзояд. Барои мо мутахассисони соҳибтахассус, заҳматписанд ва кордон хеле заруранд ва мо ҷалби мутахассисони ҷавонро ба соҳаҳои хоҷагии халқи шаҳр яке аз самтҳои асосии фаъолияти хеш ққарор додаем».

 

Сипас раиси шаҳр ба беш аз 70 нафар донишҷӯёни аълохон, фаъол ва аз оилаҳои эҳтиёҷманд кӯмакпулии яквақта супорид.

Дар охир миёни донишҷӯён ва шаҳрдори Гулистон мубодилаи афкор сурат гирифт.

Манбаъ: сомонаи расмии МИҲД-и вилояти Суғд

 

Нет комментариев

Также рекомендуем

Сообщить об опечатке

Текст, который будет отправлен нашим редакторам: