41 нафар ғолибон дар Олимпиадаи байналмилалии «IMAC – online»

0
416 просмотров

41 нафар хонандагони Литсей барои хонандагони болаёқати шаҳри Хуҷанд дар даври финалии Олимпиадаи байналмилалии Англия ғолибият ба даст оварданд.

Тавре аз маркази матбуоти Раиси шаҳри Хуҷанд иттилоъ доданд, олимпиадаи байналмилалӣ аз фанни математика бо забони англисӣ «IMAC – online» тариқи фосилавӣ баргузор шуда, дар он 50 нафар хонандагони Литсей барои хонандагони болаёқати шаҳри Хуҷанд аз рӯи се қишри синну солӣ иштирок намуданд.

Дар натиҷаи эълони расмии Кумитаи тадорукоти Олимпиадаи «IMAC – online» кишвари Англия аз 50 нафар хонандагони Литсей 41 — нафарашон ғолибиятро ба даст оварда, соҳиби 6 медали тилло, 17 медали нуқра ва 18 медали биринҷӣ гардиданд.

Ёдовар мешавем, ки озмуни мазкур аз се даври асосӣ: муқадамотӣ, интихобӣ ва финалӣ иборат буд.

Дар Литсей барои хонандагони болаёқати шаҳри Хуҷанд кор бо хонандагони болаёқат ва гурӯҳҳои олимпӣ ҷиддӣ ба роҳ монда шудааст. Дар ҳаракати олимпии литсей 180 хонанда шомил буда, дар соли хониши 2020-2021 хонандагони болаёқати ин муассиса дар 14 олимпиадаи сатҳи ҷаҳонӣ иштирок намуданд.

Тибқи иттилои директори Литсей Сурайё Неъматова, дар соли хониши 2020-2021 толибилмони Литсей дар олимпиадаҳои ҷаҳонии HIPPO, FISO, SPELLING BEE, FIZTECH, FOXFORD, ARCHIMED, KANGOUROU, OLYMPIA, IMEC, BRICSMATH, MATH-CHALLANGE, ANTALYA дар кишварҳои Таиланд, Туркия, Федератсияи Россия, Англия, ИМА, Чин, Италия иштирок намуда, 154 медал – 51 медали тилло, 45 медали нуқра ва 58 медали биринҷӣ ба даст оварданд.

Инчунин хонандагони болаёқати Литсей ба даври финалии озмуни байналмиллалии HIPPO (Италия) роҳхат гирифта, мунтазири эълони натиҷаи расмии ғолибон ҳастанд.

Манбаъ: АМИТ «Ховар»

Нет комментариев

Также рекомендуем

Нигоҳубини пусти руй дар ҳавои сард

Бо фарорасии фасли зимистон пӯсти инсон ба якчанд мушкилӣ рӯ ба рӯ мешавад. Якум, вазидани шамоли сард дар кӯча. Дуюм, аз ҳисоби воситаҳои гармидиҳӣ хушк ...

Сообщить об опечатке

Текст, который будет отправлен нашим редакторам: