500 000 воя ваксинаи «CoronaVac» ва 302 000 воя ваксинаи «AstraZeneca» ба Тоҷикистон ворид карда мешавад

0
907 просмотров

Моҳи октябр ба Ҷумҳурии Тоҷикистон 500 ҳазор воя ваксинаи «CoronaVac» (Чин) ва 302 ҳазор воя ваксинаи «AstraZeneca» (Аврупо) ворид карда мешавад, иттилоъ дод сардори Раёсати амнияти санитарию эпидемиологӣ,  ҳолатҳои фавқулода ва кумаки фаврии тиббии Вазорати тандурустӣ ва ҳифзи иҷтимоии аҳолии Ҷумҳурии Тоҷикистон Наврӯз Ҷафаров ба хабарнигори АМИТ «Ховар».

Ба зикри мавсуф, корҳои ҳуҷҷатгузорӣ омода буда, дар назар аст, ки рӯзҳои наздик ваксинаҳо ворид карда шаванд.

«Ҳоло талаботи аҳолии мамлакат ба гузаронидани ваксина зиёд шуда истодааст. Зеро ҳамагон медонанд, ки ягона роҳи пешгирӣ ва наҷот аз ин сироят- ваксинакунонӣ мебошад. Имрӯз шаҳрвандони мамлакат метавонанд бо ваксинаҳои «AstraZeneca»-и истеҳсоли Аврупо, «CoronaVac»-и чинӣ, «Moderna» ва «Pfizer-BioNTech» -и ИМА ва ваксинаи русии «Спутник V» ваксина зананд»,- афзуд Наврӯз Ҷафаров.

Ёдовар мешавем, ки бо ташаббуси Ҳукумати Ҷумҳурии Тоҷикистон ва дастгирии шарикон оид ба рушд дар чаҳорчӯби механизми ҷаҳонии дастрасии одилона ба ваксинаҳои Созмони умумиҷаҳонии тандурустӣ (COVAX) ва кумакҳои башардӯстонаи кишварҳои мададрасон ба Ҷумҳурии Тоҷикистон то имрӯз  4 миллиону 861 ҳазору 540 воя ваксинаи зидди коронавирус ворид карда шудааст.

Дар шароити паҳншавии босуръати бемории сироятии COVID-19 дар аксар кишварҳои сайёра дар асоси таҷрибаҳои илмӣ муайян карда шудааст, ки яке аз роҳҳои асосии пешгирӣ аз паҳншавии ин беморӣ- гузаронидани ваксинатсияи аҳолӣ мебошад.

Манбаъ: АМИТ «Ховар»

Нет комментариев

Также рекомендуем

Донишҷӯи тоҷик соҳиби унвони «Турист России» шуд

Давлатхон Мавлоназаров, донишҷӯи тоҷики Донишгоҳи давлатии Волгогради Федератсияи Россия аз ҷониби Федератсияи сайёҳии варзишии Россия соҳиби унвони «Турист России» гардид. Ҳамзамон, ин донишҷӯӣ тоҷик дар ...

Сообщить об опечатке

Текст, который будет отправлен нашим редакторам: