6 голи беҷавоб аз тарафи футзалистони дастаи мунтахаби Тоҷикистон

0
2 043 просмотров

Дастаи мунтахаби миллии футзали Тоҷикистон дар бозиҳои интихобии Чемпионати Осиё-2020, ки дар шаҳри Урмияи Эрон оғоз гардид, бар дастаи мунтахаби футзали Непал ғолиб омад. Шогирдони Деян Дедович ба дарвозаи непалиҳо 6 голи беҷавоб заданд.  

Тибқи иттилои манбаъ, дар ин рақобати ҷолиб голҳои  дастаи мунтахаби Тоҷикистонро  Рустам Ҳамидов, Файзалӣ Сардоров, Парвиз Раҳматов ва Умед Қӯзиев   ба нишон  расониданд.

Рақобати навбатии дастаи мунтахаби  футзали Тоҷикистон бо дастаи мунтахаби  футзали Афғонистон имрӯз, 24 октябр, соати 14:30 бо вақти Тоҷикистон баргузор мегардад. Ду дастаи беҳтарини гурӯҳ ба марҳилаи ниҳоии чемпионати Осиё-2020, ки соли оянда дар Туркманистон сурат мегирад, роҳ меёбанд.

Хотиррасон  мешавем, ки  дар мусобиқоти интихобии Чемпионати Осиё – 2020 оид ба футзал дастаи  мунтахаби Тоҷикистон дар минтақаи иттиҳоди Марказ ва Ҷануб иштирок мекунад. Дар гурӯҳи «А» футзалбозони  шинохта бозиҳои  худро бо дастаҳои мунтахаби  Непал 23 октябр, Афғонистон 24 октябр ва Ӯзбекистон 25 октябр доир менамоянд. Марҳилаи интихобии Чемпионати Осиё – 2020 дар шаҳри Урмияи Эрон баргузор мегардад.

Манбаъ: АМИТ Ховар

Нет комментариев

Также рекомендуем

Яхмосу шириниҳои ройгон ба кӯдакон

Имрӯз дар сартосари ҷаҳон Рӯзи байналмилалии ҳифзи кӯдакон ҷашн гирифта мешавад. Бино ба иттилои Вазорати меҳнат ва ҳифзи иҷтимоии аҳолии Ҷумҳурии Тоҷикистон айни замон дар ...

Сообщить об опечатке

Текст, который будет отправлен нашим редакторам: