Тақрибан 15-20% -и беморони аз коронавирус шифоёфта давоми чанд моҳ пас аз шифо ёфтан ҷисмҳои бегонаи зидди уфунатро гум мекунанд. Дар ин бора директори Институти илмӣ-тадқиқотии эпидемиология ва микробиологияи Санкт-Петербург ба номи Пастер, академики Академияи илмҳои Россия Арег Тотолян иброз намудааст, хабар медиҳад ТАСС.
«Аз ҷумлаи шифоёфтагон (аз беморӣ вобаста ба коронавируси нав — шарҳи ТАСС) тақрибан 15-20% онҳо ҷисмҳои бегонаи зидди уфунатро гум мекунанд. Яъне системаи эминии бадан ба сатҳи ками ҷисмҳои бегонаи зиддиуфунатӣ вокуниш нишон додааст ва пас аз як-ду моҳ аз ин ҷисмҳои зиддиуфунатӣ нишоне боқӣ намондааст», — гуфт ӯ.
Аз оғози пандемия дар ҷаҳон тақрибан 38,6 миллион нафар мубталои коронавирус шуда, тақрибан 1 миллиону 11 ҳазор нафар фавтидаанд. Дар Россия тибқи маълумоти ситоди фаврии федералии мубориза бо коронавирус 1 399 334 ҳолати сироятёбӣ сабт шудааст, ки беш аз 1 млн нафар шифо ёфтаву 24187 нафар ҷон бохтаанд.
Манбаъ: АМИТ «Ховар»
Нет комментариев