Дирӯз дар Муасссисаи давлатии «Кохи Борбад» маросими расмии оғози Намоишгоҳи «Истеҳсоли Хитой»-Тоҷикистон 2017» баргузор гардид. Дар намоишгоҳ зиёда аз 70 ширкат ва корхонаҳои бонуфузи музофоти Шандун, Хенан, Хубей ва музофоти мухтори Синҷон-Уйғури Ҷумҳурии Мардумии Чин иштирок намуданд. Масъулини Палатаи савдо ва саноати ҷумҳурӣ ҳадафи асосии баргузории намоишгоҳи мазкурро рушди муносибатҳои дуҷонибаи тиҷоративу иқтисодӣ ва илмиву техникӣ бар асоси баробарӣ ва манфиати тарафайн, таъсиси корхонаҳои муштарак, дарёфти шарикон, ҷалби сармояву технологияҳои муосир, афзоиши ҳаҷми муомилоти моли дуҷониба ва ноил гардидан ба беҳбуди сатҳи некӯаҳволии мардуми ҳарду кишвар арзёбӣ карданд. Имрӯз дар доираи Намоишгоҳи «Истеҳсоли Хитой»-Тоҷикистон 2017» ҳамоиши соҳибкорони Ҷумҳурии Мардумии Чин ва Ҷумҳурии Тоҷикистон баргузор мегардад.
Манбаъ: сомонаи расмии АМИТ «Ховар»
Нет комментариев