Тухм
Тухм барои нохунҳои зудшикан, хунравии милки дандон, нафастангӣ, ҷароҳати устухон, тарбод, қабз ва бехобӣ муфид аст. Бештар пӯсти тухми хом хусусияти табобатӣ дорад. Тухмро дар оби гарм бо собун шуста сафедӣ ва зардиашро ҷудо намуда, онро дар муддати 2-3 соат хушк бояд намуд. Хушк кардани пӯсти тухм дар офтоб тавсия дода намешавад. Барои кӯдакон пӯсти тухмро дар тафдон хушк намуда, хуб кўбед. Баъдан онро дар зарфи махсус нигоҳ дошта, ҳар рӯз аз 1 то 2 грамм хокаи онро ба фалла ва дигар хӯроки кӯдак ҳамроҳ намуда хўронед.
Пўсти картошка
Пӯсти картошкаро барои пас кардани фишори хун истифода менамоянд. Пўсти картошкаро бо об омехта карда, муддати даҳ дақиқа меҷӯшонем. Сипас, онро хунук намуда, муддати як шабонарӯз аз 2 то 4 қошуқ пеш аз хӯрок истеъмол менамоем. Ҳангоми шамолхўрии роҳи нафас (бронхит) пӯсти картошкаро 10-15 дақиқа ҷӯшонида, обашро мерезему пўстро ба дока печонида ба болои қафаси сина мегузорем.
Пўсти пиёз
Пӯсти пиёз аз сардӣ ва зуком шифо мебахшад. Пӯсти пиёзро дар оби хунук андохта, баъд аз ҷӯшидан муддати 3 то 5 дақиқа аз буғи он нафас мекашем. Ҳамчунин, бо оби он метавон гулӯ ва даҳонро ҳангоми гулӯдард обгардон намуд. Пӯсти пиёзро ҷӯшонида бо он сар шустан ҳам хуб аст. Рехтани мӯйи сарро кам мекунад.
Нет комментариев