Ду намояндаи ширкати Blue Origin ба нашрияи Reuters тасдиқ намуданд, ки арзиши парвози сайёҳи то мадори замин аз 200 то 300 ҳазор долларро ташкил хоҳад дод.
Ба кайҳон одамон дар киштии New Shepard, ки метавонад шаш мусофирро бо худ гирад, парвоз мекунанд. Дастгоҳ дар реҷаи автоматикӣ ба баландии 100 километр аз Замин мебарояд. Ин имкон медиҳад то одамон дар якчанд дақиқа, бевазниро эҳсос намуда куррашакл будани Заминро бинанд. Фурӯши чиптаҳо соли 2019 оғоз мешавад.
Ширкати Blue Origin ба сарватмандтарин шахси ҷаҳон Ҷеф Безос, ки чун созмондиҳандаи Amazon машҳур аст, таалуқ дорад. Онҳо дар нақша доранд соҳаи сайёҳии кайҳонро вусъат диҳанд. Дар доираи тайёри ба парвоз, 8 парвози таҷрибавӣ гузаронида шуд. То ин дам онҳо ҳатто арзиши тақрибиро номбар намекарданд.
Blue Origin рақиб низ дорад, ин ширкати Virgin Galactic мебошад. Онҳо низ ба ин наздик арзишро номбар карданд. Лекин ҳоло қариб чипта намондааст. Асосан чиптаҳоро шахсони машҳур харидори намудаанд. Дар қатори онҳо Леди Гага, Анҷелина Ҷоли ва донишманд Стивен Хоккинг буд, ки 14 март аз олам даргузашт.
Нет комментариев