Бо мақсади нигоҳдорӣ ва бехатарии гуногунии биологӣ, беталаф баровардани олами ҳайвоноту паррандагони ваҳшӣ аз фасли зимистон, аз ҷумла дар ҳудуди парваришгоҳи «Дараи сабз»-и Муассисаи давлатии хоҷагии ҷангали ноҳияи Шаҳристон ва дар ҳудуди парваришгоҳи «Зарафшон»-и Муассисаи давлатии хоҷагии ҷангали шаҳри Панҷакент бо иштироки сардори Раёсати ҳифзи муҳити зисти вилояти Суғд, бахши шаҳри Исфара дар якҷоягӣ бо намояндагони «Ҷамъияти шикорчиён ва моҳидорони шаҳри Исфара» дар минтақаи «Кӯҳи сиёҳ»-и шаҳри Исфара, намояндагони Муассисаи давлатии хоҷагии ҷангали шаҳри Истаравшан дар ҳудуди ҷамоати деҳоти «Нофароҷ», минтақаҳои кӯҳии деҳаҳои Навобод ва Кунчок, бахши ҳифзи муҳити зисти шаҳру ноҳия, намояндагони хоҷагии ҷангал корҳои биотехникӣ гузаронида шуданд.
Дар мавзеъҳои сукунати ҳайвоноту паррандагони ваҳшӣ ба миқдори умумӣ 1640 кг гандум, 400 кг ҷав, 600 кг сабус, 200 кг намак, 70 бастаи хошоки дағал, 130 кг кунҷора, 20 бастаи коҳи гандум, зиёда аз 30 бастаи каҳ ва беда пошида шуданд.
Раёсати ҳифзи муҳити зисти вилояти Суғд
Нет комментариев