Андраник Мададя́н, санъаткори нисбатан маъруфи ҷаҳонӣ, ки бо тахаллуси Анди машҳур аст ва ҳофизи арманӣ-форсӣ табор мебошад, санаи 15-уми апрели соли 1956-ум дар Теҳрони Эрон таваллуд ёфтааст.
Ӯ ин фаъолияти сарояндаигии касбии худро дар аввали солҳои 80-ум, бо ҳамроҳии гурӯҳи Куруш, дар шакли дуэтсароӣ оғоз кардааст. Дар солҳои 1985—1992-ум 4-албоми таронаҳои ин гурӯҳ ба эҷод гардида буданд. Бо шарофати ин гурӯҳ Мададян ба санъаткори машҳуртарин дар тамоми таърихи поп-мусиқии форсӣ гардидааст. Дар соли 1992-ум гурӯҳи Kуруш пароканда мегардад ва ҳамин тавр Андраник ба фаъолияти сарояндагии яккасароии худ оғоз менамояд. Ӯ 4-маротиба ба гирифтани унвони беҳтарин ҳофизи 10-сола сазовор гардидааст. Дар давоми фаъолияти яккасароии худ дар саҳнаи ҳунар Анди 15 албоми сурудҳоро офаридааст.
Мададян донандаи забонҳои форсӣ, арманӣ, англисӣ, испанӣ, арабӣ ва ҳиндӣ мебошад. Айни замон ӯ дар минтақаи армияниҳои Лос-Анджелес зиндагӣ дорад. Албоми таронаҳои Анди дар тамоми ҷаҳон бо талаботи калон фурӯхта мешаванд. Барномаи форсии «Садои Америко» ҳофизи эронӣ-армиянӣ таборро сарояндаи сол номидааст. Ҳамчун як одами инсонпарвар Анди дар бисёр саҳмияҳои хайрхоҳонаи байналхалқӣ иштирок карда, аз ҷиҳати молиявӣ кӯмаки калон расонидааст. Ӯ ба наздикӣ ҳамроҳи Ҷон Бон Ҷови суруди «Stand By Me» эҷод намудааст, ки сомонаи иҷтимоии YouTube клипи онро зиёда аз 7 миллион нафар тамошо кардаанд. Инчунин Анди дар филмҳо низ нақш офаридааст. Аз ҷумла дар филми «Дом из песка и тумана», ки тарафи студияи «Dreamworks» ба навор гирифта шуда буд. Филмҳои дигаре, ки Анди дар он ҳунарнамоӣ кардааст, инҳо мебошанд: «Futbaal», «The Florist», инчунин «Хранител: Легенда об Омаре Хайяме», ки аз тарафи студияи «Guide Company Films» офарида шудааст ва дар он Анди нақши ҳокими Самарқанди қадимаро бозидааст. Аз соли 2001-ум нақшофариро дар соҳаи кино қатъ кард. Охирин филми ҳунарнамоикардаи ҷониби ширкати «АВС» «The Princess and the Marine» ба навор гирифта шуда буд.
Ба ғайр аз кино, Анди худро ҳамчун навъовар дар соҳаи мусиқӣ низ қобилияти беҳамтои худро нишон дода тавонист ва қолабҳои анъанавии мусиқиро шикаста, равишҳои нави мусиқиро ба миён овардааст. Ӯ дар саҳнаҳои бузурги пур аз тамошобинони Иёлоти Муттаҳидаи Амрико, Аврупо, Австралия, Канада, Русия ва Шарқи Наздик баромад мекунад. Рӯйхати ҷойҳои баромад мекардаи Анди он мавзеъҳоро дар бар мегирад, ки одатан санъаткорони дар Иёлоти Муттаҳидаи Амрико истиқоматкунанда гоҳ-гоҳ ба он ҷойҳо мераванд. Иёлоти Муттаҳидаи Амрико дар давоми 10-солаи охир талабот ба санъати ҳунарнамоии Анди нисбатан калон мебошад. Ӯ дар театри юнонӣ Лос-Анджелес, инчунин «Kodak Theatre» дар Голливуд ва албатта майдонҳои бузурги Лас-Вегас сурудхонӣ мекунад. Моҳи ноябри соли 2009-ум Анди аз ҷониби «Big Apple Music Awards» мукофоти бонуфузи «Legend Award» ба даст овардааст. Шӯрои шаҳрии Лос-Анджелес Андиро ду маротиба барои ғанӣ гардонидаи хазинаи мусиқавии шаҳр бо мукофотҳои арзанда қадрдонӣ кардааст.
Дар нигоҳи аввал мусиқии таронаҳои ӯ бо хусусияти рақсӣ доштанашон фарқ мекунанд. Мусиқии ӯ ин омехтаи мусиқии қадима ва тамаддуни муосир мебошад.
Нет комментариев