http://hitech.newsru.com

Суди шаҳри Манхэттен  ширкати амрикоии Apple-ро вазифадор кард, ки  450 млн. доллар чун ҷуброн аз рўи парванда оид ба забоняккунӣ бо ноширон бо мақсади баланд бардоштани нархи китоб пардохт намояд,-иттилоъ медиҳад РБК.

Мутобиқ ба қарори суд 400 млн. доллар ба нафароне пардохт карда мешавад, ки аз амалҳои ғайриқонунии ширкат (онҳо 23 млн. нафаранд) зарар дидаанд. Боқимонда 50 млн. долларро адовкатҳо хоҳанд гирифт. Ёдовар мешавем, ки бори аввал суди федералии шаҳри Нью-Йорк ширкати Apple-ро дар риоя накардани қонунгузории зиддиинҳисорӣ ҳанўз соли 2013 айбдор дониста буд. Маблағи умумии ҷуброн бошад, бояд дар рафти мурофаи нави судӣ муайян шавад.

Моҳи феврали соли 2014 прокурор ва истифодабарандагони 33 штатҳои Амрико аз болои ширкати Apple аризаи даъвогии колллективона ба суди Манхэттен ирсол карданд. Онҳо барои забоняккунӣ бо нашриётҳои азим нисбати баланд бардоштани нархи китобҳои электронӣ 840 млн. доллар ҷуброн талаб карданд. Моҳи июни соли равон ширкат қарор дод бо даъвогарон мусолиҳаи тосудиро банданд. Тибқи он ширкати Apple омода буд, ба истифодабарандагон ва адвокатҳо 450 млн. доллар пардохт намояд. Ҳамин тариқ қарори эълоннамудаи суд шартҳои мусолиҳаро тасдиқ кард.

Аммо, маблағи ҷуброн мумкин аст, тағйир ёбад. Ҳанўз соли 2013 ҳуқуқшиносони ширкати Apple аз болои қарори суди амрикоӣ шикоят карда буданд. Дар ҳолати он қонеъ карда шудан, ширкат метавонад ҳамагӣ 50 млн. доллар ба истифодабарандагон ва 20 млн. доллар ба адвокатҳо пардохт намояд.

Аз рўи маълумотҳои прокуратура соли 2009 ин ширкати азим қонунгузориҳои зиддиинҳисориро вайрон кардааст. Аниқтараш вай нашриётҳои азими Hachette Book Group, HarperCollins Publishers, Penguin Group, Simon&Schuster ва Macmillan-ро бовар кунонидааст, ки танҳо вай метавонад дар бозори китобҳои электронӣ нархҳои нисбатан баландро таъмин созад. Аз рўи овозаҳо Apple шартномаҳоро оид ба дастгирии планшети компютериаш- iPad ба имзо расонидааст. Худи нашриётҳо низ мехостанд бо Apple ҳамкорӣ кунанд. Бино ба ақидаи судҳо онҳо аз рафтори ширкати Amazon, ки китобҳои электрониро бо  нархи 9,99 доллар ва аз ин ҳам арзонтар мефурўшад, розӣ набуданд. Аммо, худ мустақилона нархи китобро баланд бардошта натавонистанд. Ниҳоятан онҳо аз ширкати Apple пешниҳоде гирифтанд, ки мувофиқи он ба соҳиби аввали китоб на ба фурўшанда имкон мешавад, то ки мустақилона нархи маҳсулоташро муайян намояд.

Тибқи қарори суд ноширони ба ин парванда махлут гашта низ вазифадоранд ба даъвогарон 166 млн. доллар пардохт намоянд.

Сарчашма: matrix-tv.tj