Аёдати собиқадорони меҳнат, маъюбон ва оилаҳои ниёзманди Истаравшан дар арафаи Соли нав

0
517 просмотров

Раиси шаҳри Истаравшан Адҳам Маъмурзода дар арафаи Соли нави мелодӣ пирони рӯзгордида, шахсони маъюб ва камбизоатро аёдат намуд. Дар ин бора ба мухбири минтақавии АМИТ «Ховар» Саъдулло МАҲКАМ дар дафтари матбуоти Раиси шаҳри Истаравшан иттилоъ доданд.

Мавриди зикр аст, ки собиқадорони меҳнат хазинаи тиллоӣ ва тарбиятгару раҳнамои ҷавонони соҳибистиқлоли кишвар ба ҳисоб рафта, хизматҳои эшон дар ташаккули худшиносиву худогоҳии ҷавонон беназир мебошад. Ҳамзамон бояд зикр намуд, ки давлату Ҳукумати Ҷумҳурии Тоҷикистон зери роҳбарии бевоситаи Пешвои миллат муҳтарам Эмомалӣ Раҳмон масъалаи ба ғамхории ҳамешагӣ фаро гирифтани оилаҳои ниёзманд, ятимону маъюбон ва шахсони дорои имконияти маҳдудро дар меҳвари сиёсати иҷтимоии худ қарор дода, ҳеҷ гоҳ ин қишри ҷомеаро аз мадди назар дур намесозанд.

Дар робита ба ин 26 декабр бахшида ба Соли нави мелодӣ Раиси шаҳри Истаравшан Адҳам Маъмурзода якчанд нафар собиқадорони меҳнатро аёдат карда, инчунин бо аҳволи маъюбону оилаҳои ниёзманд шинос шуд ва ба онҳо кумакҳои якдафъаина расонид.

Аёдатшудагон аз таваҷҷуҳ ва ғамхориҳо болида гардида, ба Пешвои муаззами миллат муҳтарам Эмомалӣ Раҳмон ва Раиси вилояти Суғд Раҷаббой Аҳмадзода миннатдории самимонаи хешро баён доштанд ва барои оромиву осоиштагӣ ва шукуфоии Ватанамон даст ба дуои нек бардоштанд.

Манбаъ: АМИТ «Ховар»

Нет комментариев

Также рекомендуем

Госдепартамент США объявил о новых программах содействия странам Центральной Азии

Госдепартамент США объявил о новых программах содействия странам Центральной Азии, говорится в сообщении госдепартамента. Согласно сообщению, «США твердо привержены процветанию, суверенитету, стабильности и безопасности стран ...

Сообщить об опечатке

Текст, который будет отправлен нашим редакторам: