Дар асоси дастуру ҳидоятҳои Президенти Ҷумҳурии Тоҷикистон Эмомалӣ Раҳмон дар рӯзҳои таҷлили ҷашнҳои миллӣ аёдату хабаргирии собиқадорони меҳнат, шахсони барӯманд ва оилаҳои ниёзманд ба ҳукми анъана даромадааст.
Раиси шаҳри Хуҷанд Раҷаббой Аҳмадзода ба хонводаи се нафар аз шахсони собиқадор рафта онҳоро бо ҷашни Истиқлолияти давлатии шаҳри Хуҷанд табрик намуд.
Собиқадори меҳнат Ҳалимов Салимбойи 76 сола рафт. Номбурда зиёда аз 50 сол дар Комбинати шоҳибофии Хуҷанд аз вазифаи коргари оддӣ то сатҳи роҳбарияти коргоҳ расид. Ӯ аз ташрифу хабаргирии Раиси шаҳри Хуҷанд изҳори сипосмандӣ намуда, аз таваҷҷӯҳӣ ҳамарӯза ба давлату ҳукумат шукргузорӣ намуд.
Абдуҷаббор Боқиев давоми чанд соласт, ки дар бистари беморӣ буда, фарзандон ва аҳли оилааш парасторӣ ва нигоҳубин мекунанд. Раҷаббой Аҳмадзода баробари таманниёти нек бобати зери назорати доимии тиббӣ гирифтани Абдуҷаббор Боқиев ва таъмини доруворӣ таваҷҷӯҳ намуда, омодагии мақомоти маҳаллиро барои таъмини шароити нигоҳубини номбурда таъкид намуд.
Омӯзгори собиқадор, шахси кордону устоди чандин шогирдони вафодори касби хеш М. Фозилова Раиси шаҳр Раҷаббой Аҳмадзодаро бо хушнудӣ пазироӣ намуд. Мавсуф аз ҳаёту зиндагиномаи худ нақлу қиссаҳои ҷолиб намуда, изҳор намуд, ки то ҳол омода аст барои тарбяи насли наврас мутахассисони ҷавон пайваста меҳнат намояд.
Аз ҷониби Раиси шаҳри Хуҷанд Раҷаббой Аҳмадзода ба тамоми аёдатшудагон кӯмаки яквақтинаи моддӣ дастрас карда шуд.
Дар ин бора http://www.khujand.tj/tg/arhiv/1283-ayedat хабар медиҳад.
Нет комментариев