Мувофиқи маълумоти оморӣ, ҳамасола дар ҷаҳон тақрибан 4 миллион нафар одамони мубталои нашъамандӣ ва никотин ба ҳалокат мерасанд.
Бояд гуфт, ки занони бегуноҳи ашхоси сигоркаш, 4 сол қабл аз ҳамсолони ҳамҷинси худ мефавтанд, зеро ки натавонистанд роҳҳои халосӣ хӯрданро аз сигоркашӣ ба шавҳарони худ пешниҳод кунанд.
Сигоркашонро на ҷарима барои тамоку кашидан дар ҷойҳои ҷамъиятӣ, на баландшавии нархи маҳсулоти тамоку ва огоҳиномаҳо дар тамғакоғазҳои сигор дар ташвиш мегузоранд. Мутахассисон мегӯянд, ки агар вазъият бетағйир боқӣ монад, то соли 2030 аз сигоркашӣ мумкин аст, ки дар як сол то 8 миллион нафар ба ҳалокат расанд.
Дар баробари он ки сигор ба бемориҳои марговар саратонҳои шуш, даҳон (лабу забон), гулў, гурда, ғадуди зери меъда оварда мерасонад, боз ба як қатор маризиҳои дигар низ сабаб мешавад, ки онҳоро метавон чунин гурўҳбандӣ кард:
- Таъсири манфӣ ба узвҳои ҳозима:
— илтиҳоби меъда (гастрит);
— захми меъда.
- Таъсири манфӣ ба узвҳои нафаскашӣ:
— бранхит (варами найчаҳои нафаскашии шуш);
— астма (нафастангӣ);
— ателектаз (пўсидани шуш);
— амфизема (ҷамъшавии ҳавои зиёдатӣ дар шуш).
- Таъсири манфӣ ба рагҳои хунгард:
— кома (ҳолати беҳушӣ дар натиҷаи заҳролудшавии асабҳо ва мағзи сар), фалаҷшавӣ;
— инфаркт (сактаи дил);
— норасоии гурда, нефрит (илтиҳоби гурда), фишори баланд.
- Таъсири манфӣ ба мардон:
— безурриётӣ;
- Таъсири манфӣ ба занон:
— вайроншавии ташаккули ҷанин;
— исқоти ҷанин (бачапартоӣ);
— мурда таваллудшавии тифл:
— бо нуқс таваллуд шудани тифл.
Бояд гуфт, ки аз сигоркашӣ то 10 маротиба афзудани гирифторӣ ба сактаи дил ва сактаи мағзи сар мушоҳида шудааст.
Роҳҳои мубориза бо сигоркашӣ
Пеш аз ҳама, ба шумо зарур аст, ки худро ҳам аз ҷиҳати ахлоқӣ ва равонӣ омода кунед. Бори аввал андаке бе сигор мушкил аст. Муайян кунед, ки оё аз сигоркашӣ шумо ягон баҳрае мегиред?
Дар аввал кӯшиш кунед, ки ҳаёти орому осоиштаро барқарор кунед, аз истеъмоли машрубот дурӣ ҷӯед, аз иштирок дар ҷойҳое мисли, қаҳвахонаҳо ва маҳфилҳои, ки дар онҳо сигор мекашанд, худдорӣ кунед.
Хуб мешуд, агар зиндагии худро бо машғулият ба варзиш рангин менамудед: ҳар субҳ ба машқи бадан машғул шавед, бегоҳ ба кӯча барои давутоз бароед.
Маблағеро, ки барои сигор сарфа кардаед, беҳтараш барои харидани ягон лавозимоти барои хона зарур, шириниҳо ва ё ин ки барои ашхоси ниёзманд харҷ намоед.
Давом дорад…….
Нет комментариев