Ба амалҳои ҳаннотӣ даст задани шаш нафар кормандони нуқтаҳои мубодилаи асъори ташкилоти қарзӣ

0
984 просмотров

Бонки миллии Тоҷикистон (БМТ) нисбати шаш нафар кормандони нуқтаҳои мубодилаи асъори ташкилотҳои қарзӣ бинобар роҳ додан ба амалҳои ҳаннотӣ ва дағалона вайрон кардани талаботҳои санадҳои меъёрии ҳуқуқии БМТ, ки сабабгори ноустувор шудани вазъи бозори дохилии асъор гардидаанд ва дар кори батанзимдарории сиёсати қурби асъор монеа эҷод кардаанд, чораҳои ислоҳӣ ва таъсиррасониро оғоз намуд.

Бино ба иттилои хадамоти матбуоти БМТ, дар пайи санҷишҳои гурӯҳҳои фаврии муштараки БМТ ва мақомоти прокуратура барои вайрон кардани талаботи қонунгузорӣ оид ба мубодилаи асъори хориҷӣ Назаров Алиаҳмад Худойназарович — корманди нуқтаи мубодилаи асъори ҶДММ ТАҚХ “Васлат”, Валиев Аминҷон Амиралиевич — корманди нуқтаи мубодилаи асъори ҶДММ ТАҚХ ”Азизи Молия”, Бобоназаров Бахтиёр Исмонқулович ва Абӯбакр Зафар Саидзода — кормандони нуқтаи мубодилаи асъори ҶДММ ТАҚХ ”Вориси Замон”, Азимзода Алишери Сироҷиддин ва Саодатов Ибодулло Қудратович — кормандони нуқтаи мубодилаи асъори ҶСК ”Тоҷиксодиротбонк” муайян ва боздошт шуданд.

Гуфта мешавад, дар робита ба ин, ба ташкилотҳои қарзӣ тавсия дода шудааст, ки то гирифтани дастури иловагии БМТ кормандони номбурдаро ба кор қабул накунанд.

Зимнан зикр мегардад, ки илова бар ин, БМТ барои беназоратӣ ва дар сатҳи зарурӣ ба роҳ намондани фаъолияти нуқтаҳои мубодилаи асъор моликони ин нуқтаҳо — ҶСК ”Тоҷиксодиротбонк”-ро ба маблағи сад ҳазор сомонӣ, ҶДММ ТАҚХ “Васлат”, ҶДММ ТАҚХ ”Азизӣ- молия” ва ҶДММ ТАҚХ ”Вориси Замон”-ро дар алоҳидагӣ ба маблағи шаст ҳазор сомонӣ ҷарима кард.

Манбаъ: http://news.tj/tj/

Нет комментариев

Также рекомендуем

Маслиҳат барои гирифтани велосипед

Тавре мо медонем, нафаре мошинрони, нафари дигар, аспсаворӣ ва гуруҳе велосипедронию конкирониро дуст медоранд. Албатта, шуғли инсон гуногун аст ва хар кас онро мувофики табъи ...

Сообщить об опечатке

Текст, который будет отправлен нашим редакторам: