Киберҷинояткорон дар соли 2017-ум зиё да аз 2,5 миллиард рубли русиро тавассути банкоматҳо дуздида метавонанд. Ин хаҷми маблағ нисбат ба соли гузашта 30 % зиёд хоҳад буд. Дар ин бора маҷаллаи «Известия» хабар медиҳад.
Мувофиқи суханони директори генералии Digital Security Иля Медведовский, аз ҳамлаи хакерон бештар банкоматҳо ва шабакаҳои банкоматии ташкилотҳои қарздиҳӣ зарар хоҳанд дид. Қаллобон метавонанд дастгоҳи худро ба диспенсери банкомат (тавассути панели буруна) пайваст намоянд, то ки тамоми пулҳоро аз банкоматҳо дуздида тавонанд. Ба ғайр аз ин, хакерон ба шабакаҳои дохилии бонкҳо ворид шуда метавонанд, то ки барои идора кардани шабакаҳои банкоматӣ дастарсӣ пайдо кунанд ва баъдан таъминоти барномавии зараррасонро сар дода, бо воситаи кортҳои сунъӣ дар офлайн пулҳоро дузданд. Бо вуҷуди ин, ҳолати дуздиро ошкор кардан хеле мушкил мешавад, гуфт Медведовский. Бино бар ин, шаҳрвандони аз ин амали қаллобӣ ҷабр дида пулҳоро баргардонида гирифта натавонистанашон мумкин.
«Ҳамлаҳо дар банкоматҳо, нисбат ба кӯшиши дастарсӣ пайдо кардан ба суратҳисобҳои кортӣ, хеле осон мебошанд. Аз ин рӯ, теъдоди дуздиҳои банкоматӣ дар соли 2017-ум оммавӣ хоҳад шуд,» – менависад нашриёти Digital Security.
Ӯ инчунин қайд намуд, ки зарари молиявӣ аз як ҳамалаи хакерӣ дар банкомат метавонад то ба 20 миллион рубли русӣ расад.
Роҳбари шӯъбаи бехатарии системаҳои бонкӣ — Positive Technologies, Тимур Юнусов гуфт, ки ягона роҳи бехавф кардани худ баҳри аз даст надонаи пулҳо ин «мунтазам назорат бурдан аз болои суратҳисоби худ ва фаъол гардонидани 3D Secure ва SMS-огоҳинома мебошад. Дар ин ҳолат, ҳатто агар маълумотҳои асосии корт ва PIN-кодҳо вайрон карда шуда бошанд ҳам, дар мизоҷон имконияти баргардони пулҳо боқӣ мемонад».
Нет комментариев