Нахустин ноутбуки дар 3D-принтер чопшаванда ба фурӯш бароварда шуд, иттилоъ медиҳад оҷонсии РИА «Новости» ҷавобан ба эълони нашрияи бритониёгии The Telegraph.
Дастгоҳ бо номи Pi-Top- ноутбуки начандон калон буда, бинобар маълумоти созандагонаш, дар он ҳамаи хусусиятҳои лептопи муқарррарӣ дида мешавад. Аммо дар бораи на ҳамаи хусусиятҳои техникии навгонии мазкур иттилоъ дода мешавад. Гуфта мешавад, ки Pi-Top таҳти корбарии ОС Linux ва компютери минётурии маъмули Raspberry pi фаъолият мебарад.
Истифодабарандагон ноутбуки пурра мукаммалшудаи Pi-Top-ро метавонанд, тахминан дар моҳи май дастрас кунанд (миқдори хайрот дар портали Indiegogo, аллакай 120 ҳазор доллар афзудааст). Айни замон маҷмӯи васлшудаи ноутбукҳо дастрас гардидааст, ки аз он метавонанд соҳибони 3D- принтерҳои хонагӣ истифода баранд.
Арзиши чунин маҷмӯа 300 долларро ташкил намуда, ба он ҳамаи қисматҳои зарурии омодашуда (Raspberry pi ва дигар қисматҳои электронӣ, дисплей бо диагонали 13 дюйм, ноқилҳои зарурӣ, батарея ва гайраҳо.), ҳамчунин қолаб (трафарет), ки бо кӯмаки он метавон танаи ноутбуки ояндаро чоп намуд, дохил мешавад. Илова бар ин, ранги танаро худи харидор интихоб мекунад. Хамчунин ӯ метавонад рамзҳои иловагии худро ба он ворид намояд.
Айни замон бо коркарди Pi-Top хатмкунандагони Донишгоҳи Оксфорд Райан Данвуди ва Ҷесс Лозано, ки мустақилона донишҳои барномасозиро аз худ кардаанд, машғуланд.
Данвуди ва Лозано ақида доранд, ки лоиҳаи онҳо имконият медиҳад, ки истифодабарандагон на танҳо бо дастгоҳ кор кунанд, балки бо услубу сохти дохилии он, чӣ тавр дастгоҳ нерӯ мегирад ва бо кори манбаъҳои нерӯгирии он ошно шаванд, таъкид гардидааст дар нашрияи The Telegraph.
Ба ғайр аз ин, бо кӯмаки Pi-Top истифодабарандагон имконият пайдо мекунанд, то ки роботи шахсии худро офарида, онро ба барнома ворид кунанд.
Муаррифии видеоии ноутбуки ғариоддӣ дар YouTube дарҷ гардидааст.
Нет комментариев