Сяо Сян, истиқоматкунандаи 26-солаи вилояти Хунани Ҷумҳурии Хитой,  қурбони навбатии интернет ва онлайн-бозиҳо шуд.  “Дар аввал мизоҷони интернет-“қаҳвахона” фикр карданд, ки ин ҷавон вафот кард, аммо чанде пас маълум гашт, ки ӯ зинда аст”, — менависад Kotaku.com.

Ҳафтаи гузашта пас аз се рӯзи бозӣ дар интернет-“қаҳвахона”Сяо Сян беҳуш гардида, ба беморхонаи маҳалӣ интиқол гардид. Духтурон муайян намуданд, ки раги хуни майнаи сари ҷавон кафидааст ва як қисми баданаш фалаҷ шудааст.

Табибон ба хулосае омаданд, ки шояд тавонанд, дасту пойҳои ҷавонро даво бахшанд, аммо шояд дар нутқи ҷавон камбудӣ эҳсос шавад.

Гуфта мешавад, ки бозингар, як корманди одии корхона будааст.Аз сабаби гирифтор буданаш ба дарди фарбеҳӣ, вақти зиёди худро дар интернет-“қаҳвахона” мегузаронидааст.

Onliner таъкид кардааст, ки бозингарони хитоӣ бештари вақт қурбони ин гуна бозиҳо мешудаанд.  Соли гузашта воситаҳои ахбори оммаи ин кишвар аз як бозингари дигаре хабар доданд, ки давоми шаш сол барои бозиҳои онлайнӣ аз хона намебаромадааст.

Инчунин, хабар дода шуд, ки  як ҷавони хитоӣ барои харидани гаҷети замонавӣ гурдаашро ба фурӯш гузоштааст.

Сарчашма: http://matrix-tv.tj/