Ба фаъолият оғоз намудани ду корхонаи нави истеҳсолии «шифер»

0
1 897 просмотров

Вобаста ба ҳадафи чоруми миллӣ эълон намудани саноатикунонии босуръати мамлакат  дар нуҳ моҳи соли равон ду корхонаи нави истеҳсоли шифер-ҶДММ «Сомоншифер» дар шаҳри Душанбе ва ҶДММ «Анас Одина» дар шаҳри Ҳисор моҳи сентябри соли 2019 ба истеҳсоли шифер оғоз намуданд.

Моҳи сентябри соли равон ҶДММ «Сомоншифер» дар шаҳри  Душанбе  корхонаи  истеҳсоли шиферҳои асбестиро мавриди истифода қарор дод. Корхонаи мазкур ба маблағи 1,4 миллион сомонӣ (49,2 ҳазор дона шифер) маҳсулот истеҳсол намудааст. Дар он 68 нафар сокинони маҳаллӣ бо ҷойҳои нави корӣ ва музди меҳнати доимӣ таъмин гардиданд.

Бино ба маълумоти манбаъ, ҶДММ «Сомоншифер» бо сармоягузории ширкати «Кусто Групп»-и Ҷумҳурии Қазоқистон навсозии таҷҳизоти технологии ин корхонаро бо маблағгузории 300,0 ҳазор доллари ИМА ба анҷом расонид.

Мавриди зикр аст, ки ин корхона дар гузашта яке аз корхонаҳои пуриқтидори истеҳсоли шифер ба ҳисоб рафта, бо сабабҳои рақобатпазир набудани маҳсулоташ аз соли 2010 инҷониб фаъолият намекард.

Инчунин моҳи сентябри соли 2019 корхонаи нав – ҶДММ «Анас Одина»-и шаҳри Ҳисор низ ба истеҳсоли шифер оғоз намуд. Корхонаи мазкур 9,4 ҳазор дона шифер ба маблағи 351,1 ҳазор сомонӣ истеҳсол намуда, 15 нафарро бо ҷойи кор таъмин намудааст.

Маҳсулоти истеҳсолгардида ивазкунандаи воридот ва ба содирот нигаронидашуда мебошад.

Имрӯз дар ҷумҳурӣ 7 корхонаи истеҳсоли шифер фаъолият мекуннад, ки онҳо дар шаҳрҳои Душанбе (2-то), Ҳисор (2-то), Хуҷанд (2-то) ва ноҳияи Ёвон ҷойгиранд.

Дар нуҳ моҳи соли равон 816,0 ҳазор дона шифер ба маблағи 25,4 миллион сомонӣ истеҳсол гардидааст.

Манбаъ: АМИТ Ховар

Нет комментариев

Также рекомендуем

Ущерб от глобальной вирусной атаки WannaCry превысил миллиард долларов

Глобальная кибератака с использованием вируса WannaCry нанесла ущерб на 1 миллиард долларов. Эксперты подсчитали, что столь значительная сумма связана  с потерей данных, снижением производительности, перебоями ...

Сообщить об опечатке

Текст, который будет отправлен нашим редакторам: