Зилзила – яке аз ҳодисаҳо мудҳиши табиат мебошад. Ҳар сол, ин офатҳои табиӣ ҳаёти чандин нафар одамонро аз байн мебарад. Мубориза бо онҳо ғайриимкон аст, лекин саривақт омода шуда, метавон оқибатҳои онро пешгирӣ намуд.
Олимони донишгоҳи Колорадо технологияеро таҳия кардаанд, ба шарофати он смартфони оддӣ метавонад дар барнома иштирок намуда, дар оянда ҷони якчанд нафарро аз хатар наҷот диҳад. Маълум шуд, ки смартфони муосири оддӣ бо акселерометр ва GPS-модул муҷаҳҳаз буда, метавонад аз заминҷунбӣ дигаронро бохабар гардонад. Танҳо лозим аст, ки ба он софти махсусро насб намуд. Олимон мегӯянд, ки замима метавонад оғози ҳодисаҳои даҳшатборро пешгӯӣ кунад.
Барои офаридани шабакаи огоҳикунандаи самаранок, зарурати иштироки таҷҳизоти мухталиф пайдо мегардад, зеро бонги оғози зилзила танҳо вақте расонида мешавад, ки маълумот аз даҳҳо ва садҳо гадҷетҳо ворид гардад. Системаи хабардоркунии барвақтӣ дар Мексика, ИМА ва Ҷопон мавҷуд аст. Аммо насби онҳо маблағи зиёдро талаб мекунад. Истифодаи смартфонҳо қариб ройгон аст, аз ҷиҳати самаранокӣ бошад он қодир аст, ки бо таҷҳизотҳои гаронбаҳои касбӣ рақобат кунад.
http://www.gizmonews.ru/2015/04/11/predupredit-o-zemletryasenii-pomozhet-set-iz-smartfonov/
Нет комментариев