БАБРИ БАРФӢ — БРЕНДИ ТОҶИКИСТОН дар «ITB Berlin-2020»

0
1 729 просмотров

Яке аз ҳайвонҳои нодири Тоҷикистон — бабри барфӣ ё озодапаланг ҳамчун бренди сайёҳии мамлакат дар Намоишгоҳи байналмилалии сайёҳӣ «ITB Berlin-2020», ки аз 4 то 8 март дар шаҳри Берлини Ҷумҳурии Федеративии Германия доир мешавад, муаррифӣ мегардад. Дар ин бора Кумитаи рушди сайёҳии назди Ҳукумати Ҷумҳурии Тоҷикистон хабар медиҳад.

Мутобиқи маълумоти махзанҳои иттилоотӣ, Тоҷикистон аз ҷумлаи 12 кишвари дорои макони зисти озодапаланг дар ҷаҳон аст. Озодапаланг  ҳайвони ваҳшии нодиртарин маҳсуб шуда, ба «Китоби Сурх»-и ҷаҳонӣ (1963) ва «Китоби Сурх»-и Тоҷикистон (1988) шомил шудааст. Он ҳамчун зеботарин ҳайвони кӯҳӣ шинохта шуда, мавҷуд будани макони зисти он дар ҳар кишвар нишонгари поктарин экосистема аст.

Дар ин намоишгоҳи сатҳи ҷаҳонӣ гўшаи сайёҳии Тоҷикистон таҳти унвони «Тоҷикистон — мамлакати сайёҳӣ» дар масоҳати 40 метри мураббаъ бо тарҳу усули миллӣ ва муосир ба тамошои дўстдорони сайру саёҳат гузошта мешавад.

Дар доираи баргузории Намоишгоҳи мазкур интизор меравад, ки дар ҳамкорӣ бо Сафорати Тоҷикистон дар Германия бо иштироки васеи ширкатҳои ватанӣ ва германӣ Форуми сайёҳии Тоҷикистон ва Германия доир гардад.

Ҳамчунин тибқи анъана, ҳамасола дар доираи Намоишгоҳи байналмилалии сайёҳии «ITB Berlin» ҷаласаи вазирони кишварҳои ҳавзаи «Шоҳроҳи Абрешим»-и Созмони умумиҷаҳонии сайёҳӣ доир мешавад.

«ITB Berlin» намоишгоҳи пешоҳанги тиҷоратии ҷаҳонӣ, тарғиботӣ оид ба имкониятҳои сайёҳии ҳар як давлат мебошад. Бо дастгири ҳамешагии Пешвои миллат муҳтарам Эмомалӣ Раҳмон ва Ҳукумати мамлакат иштироки намояндагони Тоҷикистон дар ин намоишгоҳи бонуфузи ҷаҳонӣ ҳамчун узви комилҳуқуқи Созмони умумиҷаҳонии сайёҳӣ барои таблиғи захираҳои сайёҳии мамлакат хеле муфид буда, имкон медиҳад, ки байни ширкатҳои сайёҳии ватанию хориҷӣ қарордодҳои ҳамкорӣ ба имзо расонида шуда, ҷалби сайёҳони хориҷӣ аз қораи Аврупою Осиё вусъат дода шавад», — зикр намуд манбаъ.

Манбаъ: АМИТ «Ховар»

Нет комментариев

Также рекомендуем

Самый щедрый человек в мире

Как мы обычно представляем себе миллиардера? У каждого, конечно, возникает своя картинка, но, чаще всего богач ассоциируется с дорогими машинами, яхтами, загородными виллами. Но есть ...

Сообщить об опечатке

Текст, который будет отправлен нашим редакторам: