Бачагон ба ширкати Amazon якчанд миллион доллар зарар оварданд

0
2 038 просмотров

Комиссияи федералии савдои Иёлоти Муттаҳида ширкати Amazon-ро ба суд дод. Комиссия талаб дорад, ки маблағҳои аз бозиҳои мобилии бачагона ба даст овардаашро баргардонад. Зеро, онҳо бе розигии волидайн бозидаанд,- хабар додааст, Reuters.

Рўйхати кунунии харидҳои дар бозиҳои мобилии аз тарафи ширкати Amazon ворид карда шуда розиги волидайнро барои ба даст овардани ҳар гуна артефактҳо ва хариди дохилӣ пешбинӣ накардааст. Ин корҳоро бе истифодаи парол ва тасдиқи пардохт ба ҷо овардан мумкин аст. Рақами вомбарги қарзгирӣ, ки аз он маблағ соқит карда мешавад, тавассути экран ба истифодабаранда нишон дода мешавад.

Фаронса ба ширкати Amazon ройгон дастрас кардани китобро ба мизоҷон манъ кард 

Сабаби аризаи даъвогӣ нисбати ширкати номбурда шикояти чандин ҳазор мизоҷони ширкат аст, ки фарзандонашон дар замимаи мобилиашон якчанд миллон долларро масраф кардаанд. Бино ба ақидаи соҳибони FTC ин харидҳо авторизация нашудаанд.

Дар изҳороти худ FTC қайд кардааст, ки ин гуна харидҳои иҷозатнашуда бештар маҳз бо замимаҳои бачагонаи мобилӣ алоқаманданд. Масалан, он бозиҳое, ки ройгон нусхабардорӣ ва ба телефонҳои мобилӣ ворид кардан мумкин аст. Дар онҳо дастраскунии дохилӣ- «тангаҳои» вирдуалӣ ва дигар атрефактҳои рақамӣ пешбинӣ шудаанд. Комиссияи федералии савдо бозиҳои машҳури Tap Zoo и Ice Age Village-ро чун далел пеш овардааст,- менависад, «Российская газета».

Худи истифодабарандагон бошанд, ин гуна бозиҳоро «домҳои (қапқонҳои) пулӣ» меноманд. Яке аз волидайн фикру ақидаашро нисбати Tap Zoo баён дошта гуфтааст, ки «кўдаки ман барои хариди дохила 65 доллар сарф кардааст. Айни ҳол муаллифони бозӣ таҷҳизотро такмил додаанд, ки он чӣ тавр манъ кардани хариди воридкардаро мефаҳмонад.

Хотиррасон мекунем, ки бо ин гуна айбдоркуниҳо  ширкати Apple дучор омада буд. Аз рўи натиҷаи баррасии судӣ ширкат розӣ шуд 32 млн. долларро ба волидайни бачагони бе иҷозат харид ва бозии онлайн кардаро баргардонанд.

Ширкати Amazon аз ҳукуматдорони ИМА барои гузаронидани тести беҳавонавардҳо нисбати дастраскунии муросилот иҷозат хост

Ширкати Amazon аз раёсати федоралии  авиатсияи гржадании ИМА барои гузаронидани тести таҷҳизотҳои парвозкунандаи беҳавонавард дар ҳавои кушод иҷозат хост,- иттилоъ медиҳад ИТАР ТАСС бо такя ба канали телевизонии KTLA.

Лоиҳае, ки Prime Air  ном гирифтааст, минбаъд имкон медиҳад харидорон муросилотро баъди 30 дақиқаи тасдиқи фармоишашон соҳиб шаванд. Таҷҳизотҳои беҳавонавард парвозкунандаи ширкати Amazon ба баландии 122 метр парвоз менамоянд, ки вазнашон аз 25 кг зиёд нест. Дар ин радиф вазни ниҳоии муросилот ҳамагӣ 2,3 кг муқаррар шудааст.

Айни замон Раёсати авиатсияи гражданӣ истифодаи чунин таҷҳизотҳоро ба дўстдорони ин соҳа барои мақсадҳои ғайритиҷоратиашон иҷозат додааст. Масалан, вақти наворбардории филмҳо. Соли 2015  Раёсат ният дорад, истифодаи чунин таҷҳизотро ба мақсадҳои тиҷоратӣ низ иҷозат диҳад.

Ширкати Amazon аллакай таҷрибаи дастраскунии муросилотро бо ёрии дронҳо  дар муассисаҳои худ воқеъ дар Сиэтл оғоз кардааст. Ширкат махсус қайд кардааст, ки мехоҳад лоиҳаи хешро маҳз дар ИМА ба таври васеъх татбиқ созад. Ритейлер бовар кунонд, ки тамоми талаботҳои раёсатро қотеъона иҷро мекунад. Коршиносон тахмин доранд, ки барои татбиқи ин нияти сарвари Ширкати  Amazon Джеффа Безоса на кам 3-5 сол лозим аст.

Фаронса ба ширкати Amazon ба мизоҷон ройгон дастрас намудани китобро манъ кард

Ҳукуматдорони Фаронса ба ширкати  Amazon ройгон дастрас намудани китобро ба мизоҷон қонунан манъ кард. Чораи мазкур бо мақсади ҳифзи мағозаҳои китоб равона карда шудааст, ки рақобатро бо ширкати азими савдои интернет тоқат карда натвонистанд. Қонуни зикршуда ба наздикӣ қувваи амал пайдо кард.

Аммо, роҳбарияти ширкати Amazon роҳи осони сарфи назар кардани қонунро дарёфтанд. «Қонуни нав ба мо дастрасии китобро тариқи ройгон дар қаламрави Фаронса манъ мекунад,- қайд шудааст, дар шабакаи интернетии ширкат,- аммо, бисёере аз Шумо таклифи нисбатан манфиатнокро мехостед. Бинобар ин ҳам, мо барои дастраскунии китоб ҳамагӣ садяки арзиши онро муқаррар кардем».

Ин иқдоми расмӣ аст, зеро дар қонуни нав, ки мушоҳидон аллакай онро «зиддиамазонӣ» эътироф карданд, механизми муқаррар кардани нарх барои дастраскунӣ оварда нашудааст. Танҳо ройгон дастраскунии он манъ гардидааст,- қайд мекунад ИТАР-ТАСС.

Аз рўи адолат бояд гуфт, ки қонуни нав на танҳо бар зидди Ши ркати Amazon, балки ба тамоми интернет-мағозаҳо, ки ба фурўши китоб машғуланд равона карда шудааст. Масалан, шабакаи франсузии Fnac, ки рақиби асосии ширкати азими амрикоист, зери таъсири бевоситаи он монд. Акнун вай барои ба таври рамзӣ гузоштани нарх барои мизоҷонаш омодагӣ мебинад. «Рўзҳои наздик мо таҷдид гузаронида, барои дастраскунии китоб садяки арзиши онро муқаррар мекунем,- изҳор доштанд, роҳбарияти Fnac.

Аз соли 1986 инҷониб дар Фаронса қодиае амал мекунад, ки дар асоси он нашриёти китобро бе миёнравии мағозаҳои китоб  ба фурўшбароранда имкон доранд, нархи фурўши маҳсулоташонро то 5% арзон кунанд. Бо тараққиёти интернет ин гуна афзалиятро мағозаҳои электронӣ истифода мекардагӣ шуданд.

Дар натиҷа ба бисёр аз мағозаҳои китобфурўшӣ душвор шуд. Маҳз ба хотири ҳифзи онҳо қонуни ройгон дастраскунии китоб таҳия ва қабул шуд, ки ширкати  Amazon ва ширкатҳои ба он монандро аз 5 фоиза арзиши ихтисорӣ маҳрум сохт. Дар натиҷа нархи китоб дар мағозаҳо ва интернет баробар шуданд.

Сарчашма: http://hitech.newsru.com/article/

Нет комментариев

Также рекомендуем

Как спастись от жары?

Лето. Жара. А тут еще потеплением климата пугают. Начинаешь думать, что это все заговор производителей кондиционеров. А если кондиционер сломается или электричество отключат? Тут поневоле ...

Сообщить об опечатке

Текст, который будет отправлен нашим редакторам: