Санаи 19-декабр Раиси шаҳри Душанбе Рустами Эмомалӣ ба Ҳокими шаҳри Тошканд Ҷаҳонгир Ортиқхоҷаев барқияи тасаллият ирсол намуд, ки дар он омадааст:
«Муҳтарам Ҷаҳонгир Обидович,
Хабари лағзиши замин дар майдони сохтмонии хатти метрои Юнусободи шаҳри Тошканд, ки сабаби ба ҳалокат расидани шаҳрвандон гардида, харобиҳои калон ба бор овард, моро хеле андӯҳгин кард.
Итминони комил дорем, ки тадбирҳои аз ҷониби ҳокимияти бародаршаҳри Тошканд андешидашаванда барои ҳарчӣ зудтар бартараф кардани оқибатҳои ин садама мусоидат хоҳанд кард.
Дар ин лаҳзаҳои ҳузнангез, аз номи Мақомоти иҷроияи ҳокимияти давлатии шаҳри Душанбе ҳамдардиву тасаллияти амиқи ин ҷонибро ба пайвандону наздикони қурбониён иброз намуда, ба ҳамаи осебдидагон шифои комил хоҳонам».
Манбаъ: АМИТ «Ховар»
Нет комментариев