Баргузории озмуни вилоятии «Мисгарӣ ва оҳангарӣ» дар Суғд

0
1 866 просмотров

Бахшида ба Солҳои рушди деҳот, сайёҳӣ ва ҳунарҳои мардумӣ   моҳи майи соли равон дар вилояти Суғд  озмуни вилоятии «Мисгарӣ ва оҳангарӣ» баргузор мегардад. Дар ин  бора аз Хадамоти матбуоти Раиси вилояти Суғд ба АМИТ «Ховар» хабар доданд.

Бояд гуфт, ки озмуни мазкур дар асоси ҷадвали баргузории фестивал, намоиш, ид ва озмунҳои анъана ва ҳунарҳои мардумӣ дар Ҷумҳурии Тоҷикистон барои солҳои 2019-2021, ки бо Амри Президенти Ҷумҳурии Тоҷикистон тасдиқ гардидааст, баргузор мешавад.

Ба иттилои манбаъ, озмуни мазкур бо мақсади эҳёи ҳунарҳои мардумӣ роҳандозӣ шуда, он дар ду марҳила мегузарад.

Марҳилаи аввали  озмуни  вилоятии «Мисгарӣ ва оҳангарӣ»  дар шаҳру ноҳияҳо доир мегардад.  Ғолибони даври вилоятӣ ба даври ҷумҳуриявии озмун, ки дар назар аст моҳи июн баргузор шавад,  роҳхат мегиранд.

Иштирок дар озмун озод буда,  ташкилоту муассиса ва шаҳрвандон метавонанд бо маҳсулоти истеҳсолнамудаи худ иштирок намоянд.

Ғолибони ҷойҳои ифтихорӣ бо диплом ва сипоснома сарфароз гардонида  мешаванд.

Манбаъ: АМИТ «Ховар»

Нет комментариев

Также рекомендуем

Тоҷикистону Швейтсария ҳамкориҳоро таҳким мебахшанд

Миёни вазоратҳои корҳои хориҷии Тоҷикистону Швейтсария, машваратҳои сиёсӣ баргузор шудааст. Дар пойтахти Конфедератсияи Швейтсария шаҳри Берн машваратҳои навбатии сиёсӣ миёни вазоратҳои корҳои хориҷии Тоҷикистону Швейтсария ...

Сообщить об опечатке

Текст, который будет отправлен нашим редакторам: