Баргузории семинарҳо таҳти унвони «Баланд бардоштани нерӯи таълимии мактаб дар пешгирии ифротгароии хушунатомез»

0
2 237 просмотров

Дар марҳилаи нави рушди ҷомеа яке аз масъалаҳои муҳиму умдаи рӯз ин тақвият бахшидани ҳифзи истиқлолияти давлатӣ, пойдор нигоҳ доштани Ваҳдати миллӣ ва таъмини сулҳу субот дар кишвар, аз даст надодани зиракии сиёсӣ аст ва ин амалҳои созанда рисолати аввалиндараҷаи ҳар як сокини сарбаланду садоқатпешаи Тоҷикистони азиз мебошад.

Дар давраи ҳозира дар арсаи байналхалқӣ фаъолияти ифротгароёнаи экстремистӣ аз тарафи қувваҳои гуногун хеле фаъол гардидааст. Дар айни замон экстремизм ба хатари глобалӣ табдил ёфта, ҷаҳони муосирро ба ташвиш овардааст. Афзоиши ҷиноятҳои хусусияти экстремистӣ ва террористӣ дошта ба вусъат ёфтани терроризми байналмилалӣ, фаъолшавии унсурҳои тундраву ифротгаро, ҷалби ҷавонон ба сафи созмонҳои экстремистӣ мусоидат менамояд.

Дарки бемасъулияти ҷавонон аз паёмҳои бархе расонаҳо ва манбаъҳо дар шабакаҳои иҷтимоӣ, мавқеи нокифояи устувории шаҳрвандӣ бо сабаби синну соли ҷавон, метавонад ба рушди бегонаситезии ҳамарӯза ба манбаи таҷовуз ва рафтори манфӣ мусоидат кунад. Аз ин рӯ, донистани заминаҳое, ки метавонанд ба ин гуна рӯҳия дар муҳити ҷавонон оварда расонанд ва пешгирӣ аз рушд ва эҳтимолияти ба ҷиноятҳо шомил шудани онҳоро пешгирӣ кунанд, муҳим ва саривақта аст.

Чи тавре ки Пешвои муаззами миллат Эмомалӣ Раҳмон борҳо таъкид доштанд, террорист ва ифротгаро миллат ва давлат надорад. Моҳиятан чунин гурӯҳҳо ва амалҳои террористию ифротгаронаи онҳо хусусияти байналхалқӣ доранд. Ва мусаллам аст, ки амалҳои ин қувваҳо барои ҳаёти осоиштаи тамоми давлатҳои минтақа, аз он ҷумла Тоҷикистон наметавонанд бехавф бошанд. Дар бобати ҳадафи баргузории семинар-машваратҳо сармутахассиси Шӯъбаи Маорифи ш. Хуҷанд Болтуев Муқим фикри худро чунин баён намуданд:

Дар асоси гуфтаҳои болозикргардида  ШТРР «Тирози Ҷавонӣ»  дар ҳамкори бо Шуъбаи маъорифи шаҳри Хуҷанд, дар доираи амалишавии лоиҳаи «Пурзӯр намудани муқовимат ба радикализатсия ва дезинформация дар Осиёи Марказӣ»  бо иштироки волидон, талабагони синфҳои боло ва муаллимони мактабҳо сикли 2 семинар омӯзишро бо номи «Баланд бардоштани иқтидори таълимии мактаб ҳамчун воситаи муқовимат бо ҷинояткорӣ, ифротгароии хушунатомез ва маълумоти нодуруст дар байни ҷавонон» — ро гузаронид, ки ҳадафи баргузории семинар ин мусоидат ба баланд бардоштани иқтидори таълимии мактабҳо ва оилаҳо ҳамчун воситаи асосии муқовимат бо экстремизм мебошад.

 

Санаи 27 феврал, аввалин семинар-омӯзишии 1-ум дар МТМУ №23-и ш Хуҷанд, бо иштироки мутахассисону коршиносони варзида, Муовини раиси Маҷлиси намояндагони Маҷлиси Олии Ҷумҳурии Тоҷикистон даъвати сеюм, Роҳбари Шўрои машваратии ташкилотҳои ҷамъиятии вилояти Суғди ҶТ Ҳасанова Шуҷоат, роҳбари Ташкилоти Ҷамъиятии «Чашмаи Хаёт» — хамохангсоз, равоншинос Бобоева Рафоат, Ҳуқуқшиноси Маркази машваратии вилоятии Кумитаи кор бо занон ва оилаи МИҲД вилояти Суғд, мушовири адлияи дараҷаи 1 Холикова  Шаҳодат, Мушовири ШМ МИҲД ш.Хуҷанд Ғафурова Дилфуза, ментори лоиҳа Улмасов Хуршед, роҳбари лоиҳа Улмасов Хусрав, волидону талабагони синфҳои боло ва муаллимони мактаб баргузор гардид.

Ҳадафи баргузории семинар ин мусоидат ба баланд бардоштани иқтидори таълимии мактабҳо ва оилаҳо ҳамчун воситаи асосии муқовимат бо экстремизм мебошад. Семинар дар шакли ҷаласаҳои кӯтоҳи иттилоотӣ бо пешниҳоди презентатсияҳо, слайдҳо, филм ва пур кардани саволномаҳои иштирокчиён гузаронида шуда. Инчунин аз ҷониби коршиносон дастурҳо оид ба мубориза бо ифротгароӣ дар байни ҷавонон – ба муаллимон, волидон пешниҳод карда шуд. Саволҳои ҷолибе, ки дар семинар омӯзиш барраси гардиданд инҳо ба монанди: — Сабабҳои ифротгароӣ, Чаро муноқишаҳо ба вуҷуд меоянд?, Онҳо дар мактаб, дар синф чӣ гуна ҳал карда мешаванд? Шумо нисбати экстремизм чиро ҳис мекунед? Шумо кадом шаклҳо ва усулҳои мубориза бо экстремизмро пешниҳод карда метавонед?

Дар фарҷоми семинар устодону волидон ва хонандагон таъкид доштанд, ки мазӯъҳои семинар наву ҷолиб ва барои тарбияи насли наврас хеле муфид аст. Инчунин, бархе аз иштирокчиён оиди тарзу усули гузаронидани семинар-омӯзиш баҳои баланд дода, фикри худро чунин баён намуданд:

Семинари дуюмин санаи 9 март дар МТМУ №2-и ш Хуҷанд бо иштироки мутахассисону коршиносони варзида, Муовини раиси Маҷлиси намояндагони Маҷлиси Олии Ҷумҳурии Тоҷикистон даъвати сеюм, Роҳбари Шўрои машваратии ташкилотҳои ҷамъиятии вилояти Суғди ҶТ Ҳасанова Шуҷоат, Ҳуқуқшиноси Маркази машваратии вилоятии Кумитаи кор бо занон ва оилаи МИҲД вилояти Суғд, мушовири адлияи дараҷаи 1 Холикова  Шаҳодат., ментори лоиҳа — Улмасов Хуршед, роҳбари лоиҳа Ӯлмасов Хусрав, волидону талабагони синфҳои боло ва муаллимони мактаб баргузор гардид.

Дар семинар омӯзиши якрӯза мавзӯъҳои пешгузошташудаи семинар, ки ин Экстремизми хушунатомез чист? «Нақши давлат дар пешгирии экстремизми хушунатомез» «Нақши таълими мактабӣ дар пешгирии экстремизми хушунатомез» «Нақши оила дар пешгирии экстремизми шадид» мебошад, барраси гардид. Инчунин дар охир мавзӯи басо ҳассос миёни ҷавонон, ки “Нақши ВАО дар таъмини пешгирии экстримизми хушунатомез дар байни ҷавонон” мебошад аз ҷониби Улмасов Хусрав бараси карда шуд. Иштирокчиён дар охир бо як овоз ба ташкилкунандагони семинар изҳори сипос баён намуда, зикр намуданд, ки баргузории чунин семинарҳо саривақтӣ ва зарур аст:

Вазъи имрӯза зарурати муборизаи ҷиддиро ба муқобили ин қувваҳои ифротӣ ба миён меорад. Зарур аст, ки тамоми мардуми озодихоҳи Тоҷикистони соҳибистиқлоли мо дар мубориза бар зидди чунин падидаҳои ифротӣ дастҷамъ бошанд. Бояд зикр кард, ки Шӯбаи маъорифи ш Хуҷанд ва ШТРР “Тирози Ҷавонӣ” дар оянда низ тасмим гирифтааст, ки ин иқдоми саривақтаро давом диҳанд.

Сармуҳаррир: Каримҷон Юлдошев

Если вы нашли ошибку, пожалуйста, выделите фрагмент текста и нажмите Ctrl+Enter.

Нет комментариев

Также рекомендуем

Сообщить об опечатке

Текст, который будет отправлен нашим редакторам: