Барномаи «Ҳафта»

0
1 877 просмотров

Президенти Ҷумҳурии Тоҷикистон Эмомалӣ Раҳмон Вазири об ва нерӯи Кувайт Аҳмад ал – Ҷассорро, ки дар раъси ҳайати расмии ин давлати соҳибнуфузи араб ба шаҳри Душанбе барои иштирок дар конфронси байналмилалии даҳсолаи амалиёти “Об барои ҳаёт” ташриф овардааст, ба ҳузур пазируфт. Дар мулоқот масоили ҳамкории дуҷониба ва бисёрҷонибаи Тоҷикистону Кувайт дар соҳаҳои сиёсат, иқтисоду тиҷорат, сармоягузорӣ ва илму техника баррасӣ шуд. Таваҷҷуҳи зиёд ба татбиқи амалии санадҳои миёни ду кишвар имзошуда, аз ҷумла натиҷаҳои ду сафари расмии Президенти Тоҷикистон ба Кувайт ва сафари вазири корҳои хориҷии Кувайт ба Тоҷикистон зоҳир гардид. Ҷалби сармояи давлатӣ ва хусусӣ аз Кувайт барои татбиқи лоиҳаҳои пурсуди Тоҷикистон, аз ҷумла барои азхуднамоии захираҳои фаровони обию энергетикӣ ва интиқоли оби тозаи ошомиданӣ аз кишвари мо ба давлатҳои халиҷии араб, аз роҳҳои муҳими густариши робитаҳои иқтисодию тиҷоратӣ номида шуд. Аҳмад ал – Ҷассор паёми хаттии Амири Давлати Кувайт Шайх Сабоҳ ал-Аҳмад ал-Ҷобир ас-Сабоҳро ба Президенти Ҷумҳурии Тоҷикистон Эмомалӣ Раҳмон тақдим намуда, изҳор дошт, ки ҷониби Кувайт омода аст сармоягузорони худро барои рушди ҳамкории иқтисодӣ бо Тоҷикистон ташвиқ намояд. Гуфтугӯйи судманд ҳамчунин доир ба мавзӯъҳои минтақавию ҷаҳонӣ сурат гирифт. Дар  ин бора аз хдамоти матбуотии Президенти Ҷ Т иттилоъ доданд.

 XXX

Чанде қабл Раиси вилоят Абдураҳмон Қодирӣ бо мақсади шиносоӣ бо вазъи иқтисодиву иҷтимоии водии Зарафшон ва ифтитоҳи як қатор иншоот ба ин минтақа сафари корӣ анҷом дод. Нахуст дар ноҳияи Айнӣ Раиси вилоят оромгоҳи Нақибхон Туғрали Аҳрориро зиёрат намуда, ба азнавбарқароркунии мақбараи шоир оғоз бахшид. Бояд кайд кард, ки Нақибхон Туғрал яке аз шоирони маъруфти тоҷик буда, бо қарори Раиси вилояти Суғд дар авохири соли равон 150 – солагии ӯ таҷлили мешавад. Бо ин мақсад тибқи дастуру супориши Сарвари давлат Эмомалӣ Раҳмон оромгоҳ ва атрофи он, хона — музеи шоир ба таҷдиду навсозӣ фаро гирифта хоҳад шуд. Барои анҷоми корҳои навсозӣ аз ҳисоби мақомоти иҷроияи ҳокимияти давлатии вилояти Суғд зиёда аз 5 милион сомонӣ маблағ ҷудо карда шуда, мувофиқи лоиҳа бунёди мақбараи нав, айвон бо кандакории миллӣ ва фаввора дар назар аст ва ҳамзамон пайкараи шоир дар ин мавзеъ қомат афрохта, атрофи он ба ободониву чароғонкунӣ фаро гирифта хоҳад шуд. Дар сӯҳбат бо аҳли илму адаб ва сокинони деҳаи Зосун, ки зодгоҳи шоир мебошад, Раиси вилоят қайд намуд, ки  ба шарофати соҳибистиқлолии кишвар ва сиёсати хирадмандонаи Сарвари давлат имрӯз халқи тоҷик ба анъанаву мероси гузаштагон арҷ гузошта, ному пайкор ва зиндагиномаи фарзандони барӯманди хешро дар хотираи худ ҳифз менамояд. Тавре иттилоъ дода шуд айёми кӯдакиву наврасии Нақибхон Туғрал дар зодгоҳаш гузаштааст ва ӯ минбаъд бо нияти дарёфти камолоти бештари илмиву адабӣ дар Самарқанду Бухоро таҳсил  намудааст. Н. Туғрал баробари шоири номдор будан инчунин  деҳқониву ҳунари бинокорӣ, урфу одати халқу забони зиндаро ба хубӣ медонистааст. Айни замон мактаби миёнаи №8 ноҳияи Айнӣ, ки дар деҳаи Зосун вуҷуд дорад, ба номи Нақибхон Туғрал гузошта шудааст. Раиси вилоят зимни сӯҳбат ба масъулин дастур дод, ки як комиссияи босалоҳият ташкил намуда, бо ҷалби наздикону пайвандони Н. Туғрал симои аслии шоирро барои бунёди пайкараи ӯ муайян созанд. Дар ин бора аз хадамоти матбуотии раиси вилояти Суғд иттилоъ доданд.

Нет комментариев

Также рекомендуем

Қурби расмии асъор барои имрӯз: 11.01.2021

Бонки миллии Тоҷикистон имрӯз қурби асъори хориҷиро нисбат ба сомонӣ (асъори миллии Тоҷикистон) чунин муқаррар кардааст: 1 доллари ИМА — 11.3000 сомонӣ; 1 евро – ...

Сообщить об опечатке

Текст, который будет отправлен нашим редакторам: