Барномаи вилоятии «Соли 2015 – идомаи соли роҳҳои обод», ки бо мақсади таъмиру навсозӣ ва беҳтар намудани ҳолати роҳҳои ҳудуди вилоят қабул шудааст, ба андозаи 107,2 фоиз иҷро гардид.
Тибқи маълумотҳои фаврии Шӯъбаи нақлиёт ва комуникатсияи дастгоҳи Раиси вилояти Суғд соли равон дар шаҳру ноҳияҳои вилоят 117 км роҳҳо пурра мумфарш, 1337 км таъмири ҷорӣ ва 1890 км шағалпӯш карда шудааст.
Ба иттилои масъулин дар доираи Барномаи вилоятии «Соли 2015 – идомаи соли роҳҳои обод» соли равон дар маҷмӯъ ҳолати 3344 км роҳҳо беҳтар гардидааст.
Хотирнишон бояд кард, ки бо ибтикори Раиси вилоят Абдураҳмон Қодирӣ соли 2014 дар вилоят Соли роҳҳои обод эълон гардид. Дар соли сипаришуда беш аз 2800 км роҳҳои ҳудуди вилоят ба таъмиру навсозӣ фаро гирифта шуда буд.
Дар ин бора http://sugd.tj/index.php/tj/navidi-sugd/5392-roh хабар медиҳад.
Нет комментариев