Баррасии ташаббусҳои байналмилалии Тоҷикистон дар самти об ва ҳифзи пиряхҳо дар Глазго

0
561 просмотров

3 ноябр дар шаҳри Глазго дар ҳошияи Конфронси 26-уми тарафҳои Конвенсияи чаҳорчӯби Созмони Милали Муттаҳид оид ба тағйирёбии иқлим (СОР26) вохӯрии муовини Вазири корҳои хориҷии Ҷумҳурии Тоҷикистон Музаффар Ҳусейнзода бо муовини Дабири кулли СММ, Намояндаи олии СММ оид ба Гурӯҳи кишварҳои тараққикунандаи маҳсур дар хушкӣ, кишварҳои кам тараққикарда ва кишварҳои хурди ҷазиравӣ Куртенай Раттрай баргузор гардид. Дар ин бора АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад.

Дар суҳбат ҷонибҳо масьалаҳои рушди ҳамкории фарогир бо ниҳодҳои дахлдори СММ, икдомҳои муштараки ҳамоҳангшуда барои рафъи пайомадҳои COVID-19 ва норасоии ваксинаҳо, пешгирии оқибатҳои тағйирёбии иқлим ва таъсири манфии он ба муҳити зистро баррасӣ намуданд.

Муовини Вазири корҳои хориҷии Ҷумҳурии Тоҷикистон дар мавриди ташаббусҳои байналмилалии Тоҷикистон дар самти об ва ҳифзи пиряхҳо, хосатан моҳияти Даҳсолаи байналмилалии амал «Об барои рушди устувор, 2018-2028» маълумоти мавриди таваҷҷуҳ пешниҳод кард.

Ҷонибҳо ҳавасмандии амиқро барои пешбурди муколамаи фарогири самаранок миёни Ҷумҳурии Тоҷикистон ва СММ дар самтҳои барои ҳарду тараф муҳим, махсусан ҷиҳати расидан ба Ҳадафҳои Рушди Устувор, Рӯзномаи ҷаҳонии 2030 ва Барномаи амали Вена оид ба кишварҳои тараққикунандаи маҳсур дар хушкӣ зикр карданд.

Манбаъ: АМИТ «Ховар»

Нет комментариев

Также рекомендуем

Кто ты из звезд? Новая функция приложения Gradient покорила пользователей

В приложении можно загрузить свое фото, а сервис находит максимально похожую знаменитость. Сервис уже вырвался в топ App Store и Google Play. В сервис предварительно загрузили базу фотографий актеров, музыкантов, ...

Сообщить об опечатке

Текст, который будет отправлен нашим редакторам: