Дар рафти кори равзанаи тобистонаи трансферӣ ҳайати бошгоҳи каталониро ду ҳимоягари марказӣ пурра мекунанд ва аз ин рӯ «Барса» дигар ба Самюэл Умтити, Клеман Лангле ва Оскар Мингеса эҳтиёҷ надорад, менависад Mundo Deportivo.
Дар мавсими солҳои-2022/23 мураббии нилунориҳо Хави ба Жерар Пике, Роналд Араухо, Эрик Гарсия ва ду бозигари нав такя хоҳад кард. Эҳтимолан инҳо Андреас Кристенсен ва Сесар Аспиликуэта мебошанд, ки тобистон аз «Челси» чун футболбозони озод берун мешаванд.
«Барселона» бар он аст, ки метавонад Ланглеро бар ивази арзиши бузург фурӯшад, чаро, ки ӯ ҷавон буда, эътибори нағзе дар Аврупо дорад. Агар фурӯшандагони фаронсавӣ ёфт нашаванд, Хави дар намондани ӯ дар даста исрор нахоҳад кард, чаро, ки дар хати дифоъи «Барса» бозигарон бо пои чап вуҷуд надоранд. Футболбоз ҳам худ рафтан аз даста намехоҳад, чаро, ки бар андешаи он аст,ки дар ҳайати асосии «Барса» бозӣ карда метавонад. Нисбати Лангле бошад бошгоҳҳои ПЛА таваҷҷӯҳ дошта, ба «Барса» аллакай чанд пешниҳодҳо омадааст.
Умтити ба бошгоҳҳои Фаронса писанд буда, «Лион» чанд маротиба ба «Барселона» муроҷиат карда буд, аммо худи бозигар аз гузариш ба ин тим даст кашид. Атрофиёни бозигари фаронсавӣ низ барояш дастаи нав меҷӯянд ва истисно нест, ки онҳо натиҷаи пешниҳодашонро ба «Барса» пешкаш мекунанд.
Мингеса бошад дар зимистон наздик буд, ки аз даста мерафт, аммо гуфтушунидҳо бо «Валенсия» дар фурсатҳои ахир мусбӣ анҷом нашуданд. Ба сафи «Бордо» бошад худи бозигар пайвастан нахост.
Манбаъ: Варзиш-тв
Нет комментариев