Ҳамлагари тими “Ал-Иттиҳод”-и Арабистони Саудӣ — Карим Бензема метавонад фаъолияти худро дар чемпионати Англия идома диҳад.
Ба футболбози фаронсавӣ дастаи «Манчестер Юнайтед» мароқ зоҳир кардааст. Дар ин бора хабарнигори испании Fichajes Хавйер Парра Пеня бо истинод ба Transfer News Live хабар медиҳад.
Ба иттилои манбаъ, бошгоҳи шаҳри Манчестер имкони ба иҷора гирифтани ин ҳамлагари фаронсавиро то охири мавсими ҷорӣ баррасӣ мекунад.
Қаблан маълум шуда буд, ки Бензема бо дастаи «Ал-Иттиҳод» дар Дубай ба сафар намеравад, зеро ӯ сари вақт ба тамрини пеш аз мавсими даста ҳозир нашуда буд.
Ёдовар мешавем, ки Бензема тобистони соли 2023 ба ҳайси агенти озод аз “Реал” ба тими шаҳри Ҷидда пайваст. Футболбози 36-солаи фаронсавӣ бо ин даста то моҳи июни соли 2026 шартнома баст. Дар мавсими ҷорӣ ҳамлагар дар ҳайати “Ал-Иттиҳод” 20 бозӣ анҷом дода, дар онҳо 12 гол ва 5 ассист кардааст.
Мо қаблан хабар дода будем, ки Бензема метавонад ба зодгоҳаш Лион баргардад. Гузариш метавонад дар охири мавсим сурат гирад.
Манбаъ: Варзиш-ТВ
Нет комментариев