Бино ба пешгӯии обуҳавосанҷон, ҳарорат ба +40 то +44 дараҷа мерасад

0
169 просмотров

Дар Ҷумҳурии Тоҷикистон дар моҳи аввали тобистон ҳарорат муътадил шуда, миёна ва охирҳои моҳи июн баландшавии ҳарорати ҳаво дар назар аст. Ҳамчунин дар ҷануби вилояти Хатлон ҳарорат то ба 44 дараҷа мерасад. Дар ин бора имрӯз муовини сардори Маркази обуҳавосанҷии Агентии обуҳавошиносии кишвар Парвина Саидҷамолова ба АМИТ «Ховар» хабар дод.

Моҳи аввали тобистон дар Тоҷикистон ҳарорат муътадил буда, дар миёна ва охирҳои ин моҳ баландшавии ҳарорат дар назар аст. Дар ҷануби вилояти Хатлон ҳарорат то ба 44 дараҷа мерасад.

Ба гуфтаи муовини сардори Маркази обуҳавосанҷии Агентии обуҳавошиносии кишвар Парвина Саидҷамолова, дар баъзе вилоятҳо ва ноҳияҳои ҷумҳурӣ ҳарорати миёнаи моҳонаи ҳаво дар баъзе ҷойҳо 1 ё 2 дараҷа болотар аз меъёри иқлимӣ дар назар аст.

Дар ин моҳ дар вилояти Хатлон ва ноҳияҳои водии тобеи ҷумҳурӣ ҳаво нисбат ба дигар минтақаҳои кишвар гармтар мешавад. Бино ба маълумоти обуҳавошиносон, дар ин ҷойҳо ҳарорати миёнаи моҳонаи ҳаво дар водиҳо 25-30 ва дар доманкӯҳҳо 22-24 дараҷа гарм мешавад.

Дар шаҳри Душанбе ҳарорати миёнаи моҳона тибқи меъёр муқаррарӣ буда, 25-30 дараҷа гармӣ дар назар аст.

Дар даҳаи аввали моҳи июн ҳарорати ҳаво шабона 4-19 ва рӯзона  аз 27-32 ва то 32-37 дараҷа гарм мешавад. Дар миёнаи моҳ болоравии ҳарорат дар назар дошта шуда, шабона 20-25 ва рӯзона 35-40 дараҷа гарм мешавад.

Миқдори бориш ҳудуди меъёри иқлимӣ (6,2 мм)-ро ташкил хоҳад дод.

Бояд гуфт, ки баландшавии  ҳарорат дар фасли тобистон, тирамоҳ ё баҳор бевосита ба ҳосилнокии зироати кишоварзӣ таъсир мерасонад ва 70 дарсади тағйирёбии равандҳои иқлим дар сайёраи замин ба соҳаи кишоварзӣ рост меояд.

Дар ҳамин асно чандест ҷомеаи ҷаҳониро масъалаи тағйирёбии иқлим ва баландшавии аз меъёр зиёди ҳарорат дар аксар кишварҳои Аврупо ва Осиё нигарон кардааст. Зеро гармшавӣ на танҳо ба саломатӣ, балки ба соҳаи кишоварзӣ, аз ҷумла ба ҷамъоварии ҳосили ғалладонагӣ низ таъсири манфӣ мерасонад. Ба гуфтаи коршиносон, имсол аҳолии ҷаҳон ҷиҳати таъмини маводи ғизоӣ, минҷумла орд танқисии чашмрасе хоҳанд кашид.

Манбаъ: АМИТ «Ховар»

Нет комментариев

Также рекомендуем

История появление ножницы

Ножницы изобретены около 300 года до нашей эры. Они появились тогда одновременно в Италии и Галлии. Неизвестно, какая из этих стран является их настоящей родиной, ...

Сообщить об опечатке

Текст, который будет отправлен нашим редакторам: