Раиси шаҳри Хуҷанд Маъруф Муҳаммадзода бо ҳузури муовинони Раиси шаҳр, Роҳбари дастгоҳи Раиси шаҳр, мудирони шуъбаю бахшҳо, роҳбарони идораву ташкилот ва воҳидҳои сохтории Мақомоти ичроияи ҳокимияти давлатии шаҳр машварати корӣ доир намуд.
Нахуст, дар кори машварат доир ба рафти иҷрои дастуру супоришҳои Асосгузори сулҳу Ваҳдати миллӣ, Пешвои миллат, Президенти мамлакат мӯҳтарам Эмомалӣ Раҳмон зимни ироаи Паёми навбатии хеш ба Маҷлисӣ Олӣ ва нишондодҳои Раиси вилояти Суғд Раҷаббой Аҳмадзода мавриди баррасӣ қарор дода шуд.
Сипас доир ба омодагӣ ба таҷлили Рӯзи ҷавонон ва Рӯзи байналмилалии ҳифзи кӯдакон аз масъулин пурсиш ба амал оварда шуд. Таъкид гардид, ки ин ду ид дар сатҳи баланди ташкилӣ дар ҳамкорӣ бо сохторҳои вилоятӣ ташкил ва гузаронида шавад. 
Ба масъулини сарраёсати ободонӣ супориш дода шуд, ҷиҳати тозаву обод ва хуррамнамоии мавзеъи «Наврӯзгоҳ» бо соҳибмулки он тадбирҳо андешанд. Ҷиҳати ташкили атраксионҳои нав, ҳавзи шиноварӣ барои кӯдакон, обутобгоҳ, азнавсозии системаи чароғонкунии «Наврӯзгоҳ», ташкили «Боғи ҳайвонот», ҳафтае ду маротиба баргузории барномаҳои консертӣ дар дохили боғ ба масъулин дастур супоришҳои мушаххас дода шуд.
Раиси шаҳри Хуҷанд Маъруф Муҳаммадзода бо назардошти рӯзи 1 июн, баргузор гардидани тантанаҳои асосии Рӯзи кӯдакон дар боғи «Наврӯзгоҳ» ҷиҳати ташкили ройгони яхмосу обҳои ташнашикан ва химатрасониҳои атраксионҳо ба шахсони дахлдор дастур дод.
Ҳамчунин дар ҷаласаи корӣ иттилоъ дода шуд, ки бояд 1 июн обутобгоҳи соҳили дарёи Сир ба истифода дода шавад. Ҷиҳати ба сомон расонидани корҳои боқимондаи сохтмонӣ масъулин муваззаф гардиданд. Аз ҷумла, дар муҳлатҳои кӯтоҳтарин доир ба ташкили таҷҳизоти корбарии обутобгоҳ бо шумули бехатарии он, чароғонкунии атрофии он, ҳуҷраҳои шустушӯй, ивази сару либос, ташкили мизи тенис, обҳои ташнашикан ва ғайра дастурҳо дода шуд.
Маъруф Муҳаммадзода роҷеъ ба омодагӣ ва дар сатҳи баланди таҷлил намудани Рӯзи Ваҳдати миллӣ ва ба истифода додани иншооти гуногуни таъиноти иҷтимоию иқтисодӣ аз масъулин пурсиш ба амал оварда, таъкид дошт, ки иншооти супоридашаванда бояд бо сифати баланд ба истифода дода шавад. Ба масоили ободонии иншооти нав таваҷҷуҳи хоса зоҳир гардид.
Раиси шаҳри Хуҷанд Маъруф Муҳаммадзода дар анҷоми ҷаласаи корӣ ҷиҳати вусъати корҳои бунёдкорӣ, дар амал татбиқ кардани ҳадафҳои созандаи Пешвои миллат, дастгирии иқдомҳои шоистаи шаҳрвандони кишвар, тадбирҳои муҳими омодагӣ ба ҷашни умумимиллӣ – 30-солагии Истиқлолияти давлатии Ҷумҳурии Тоҷикистон, инчунин иҷрои корҳои хайру савоб дар моҳи шарифи Рамазон ба масъулини дахлдор дастуру супоришҳои мушаххас дода, даъват ба амал овард, ки баҳри ободу хуррамнамоии шаҳри азизамон кӯшиш намуда, барои мардум зиндагии шоиста фароҳам созем.
Манбаъ: Дафтари матбуоти Раиси шаҳри Хуҷанд
Нет комментариев