Бо ҷалби 10 000 нафар аксияи «Ободонии маҳалли зист» гузаронида шуд

0
1 227 просмотров

Бо ташаббуси Раёсати ҳифзи муҳити зисти вилоят баҳри иҷрои қарори Раиси вилоят аз 11.04.2015, № 178 «Дар бораи эълон намудани 500 рӯзи меҳнати зарбдор» бахшида ба истиқболи 25-солагии Истиқлолияти давлатии Ҷумҳурии Тоҷикистон ва дар амал татбиқ намудани нақшаи чорабиниҳои «Барномаи давлатии экологии Ҷумҳурии Тоҷикистон барои солҳои 2009-2019» аз моҳи августи соли 2015 то моҳи сентябри соли 2016 дар ҳудуди вилоят аксияи «Ободонии маҳали зист» гузаронида мешавад.

Мувофиқи ҷадвали баргузории аксия бори нахуст санаи 1 августи соли равон дар миқёси вилоят барои тоза намудани маҳал аз партовҳо бо ҷалби васеи аҳолӣ ҳашари умумӣ гузаронида шуд.

Тавре аз Раёсати ҳифзи муҳити зисти вилоят хабар доданд, дар натиҷаи баргузории аксия, ки бо иштироки 10 000 нафар гузаронида шуд, як зумра корҳо ба анҷом расонида шуданд. Аз ҷумла 175 метри мукааб партовҳо бароварда шуда, 9500 метр ҷӯйборҳо тоза карда шуд. Инчунин шафати 11 км роҳи Душанбе – Хуҷанд, 300 метр соҳили дарёи Сир, 500 метр соҳили сой ва ба андозаи 7250 метри мураббаъ роҳравҳо тоза карда шудааст.

Аз тарафи Раёсат иштирокдорони аксия бо 12 000 халтаи полиэтиленӣ барои ҷамъоварии партовҳо ва 8000 дастпӯшакҳои корӣ таъмин карда шудаанд.

Раёсати ҳифзи муҳити зисти вилоят ин иқдомро минбаъд низ давом медиҳад. Баргузории аксияи навбатӣ баъд аз як моҳ дар назар дошта шудааст.

Дар ин бора  sugd.tj хабар медиҳад.

Нет комментариев

Также рекомендуем

Вазоратҳои корҳои хориҷии Тоҷикистону Россия роҷеъ ба масъалаҳои СҲШ ройзаниҳо баргузор карданд

3 сентябр дар шаҳри Москва байни вазоратҳои корҳои хориҷии Тоҷикистону Россия оид ба масъалаҳои ҳамкорӣ дар чорчӯби Созмони ҳамкории Шанхай (СҲШ) ройзаниҳо доир гардиданд, хабар ...

Сообщить об опечатке

Текст, который будет отправлен нашим редакторам: