Бодомро одатан аксарият дӯстдорони шириниҳо меписанданд, зеро он дар соҳаи қаннодӣ васеъ истифода мешавад. Бодом бо мазза ва накҳати нотакрораш иштиҳовар мебошад, ки хӯрданаш ҳаловатбахш мебошад.
Ватани бодом Осиё ба шумор меравад. Дарахти бодом танҳо дар қисми шимолӣ ва ғарбии Осиё месабзад. Дар мамлакатҳои Осиё «бодомпарварӣ» нисбат ба давлатҳои Аврупо ва Иёлоти Муттаҳидаи Амрико хело барвакт пайдо шудааст.
Дар Мисри Қадим танҳо аъзоёни ҳокимияти олӣ аз хӯрданиҳои лазизи бодомдор истеъмол мекарданд.
Дар мамлакати Англия як қабза бодоми аз пояи дарахти он гирифташуда рамзи муваффақият ва сарватмандӣ ба ҳисоб меравад.
Дар кишвари Швейтсария чунин як қоида ҳаст, ки дар иду айёмҳо ҳангоми пухтани панир ба дохилаш бодом меандозанд. Масалан, дар фаро расидани соли нав ҳамин гуна панирро пухта, ба одамона пора-пора тақсим карда медиҳанд. Ин бо мақсаде, ки онҳо дар соли меомада даромади молиявӣ ба даст оранд.
Далели аҷиб: ҳалвои лавз, ки аз орди мағзи бодом тайёр карда шудааст, аз оғоз давои бемории руҳӣ маҳсуб меёфт. Минбаъд бодомро қариб ҳамарӯза дар солҳои гуруснагӣ истеъмол мекарданд. Заро орди гандум ба мардум тамоман камёб буд ва орди бодом ба маҳсулоти нонпазӣ табдил ёфта буд.
Боз як далели аҷоимб: рӯзи умумиҷаҳонии бодом мавҷуд аст, ки одатан ҳар сол санаи 16-уми феврал дар Иёлоти Муттаҳидаи Амрико ҷашн гирифта мешавад. Ин сана тасодуфан интихоб нашудааст, зеро дар миёнаҳои моҳи феврал дарахти бодом аллакай гул мекунад. Ҳайратовар вале ҳакиқат аст, ки маҳз дар Амрико 65% маҳсулоти хӯрокаи бодомдор истеҳсол карда мешавад.
Рӯзи бодом дар кишвари Португалия ва Испания ҳамасола дар моҳи январ бошукӯҳ таҷлил карда мешавад.
Бодом аслан ду намуд мешвад: талх ва ширин. Бодоми талхро танҳо бо мақсади доругӣ истифода мебаранд.
Бояд гуфт, ки бодом дар соҳаи истеҳсоли маҳсулотҳои гуногуни костметикӣ васеъ истифода бурда мешавад. Бодомро дар истеҳсоли малҳам барои пӯсти даст, малҳам барои бартараф кардани ожангҳои пӯсти рӯй ва ҳоказо истифода мебаранд.
Ядрои бодоми талхро дар истеҳсоли собунҳои намуди гуногун васеъ истифода мебаранд.
Бодоми талх барои инсон марговар буда метавонад, зеро дар таркиби он миқдори зиёди гликозид ва амигдалин мавҷуд мебошад. Итеъмоли на зиёда аз 50 дона мағзи бодоми талх инсонро ба ҳалокат мерасонад.
Одамоне, ки парҳез мекунанд, аз хӯрдани бодом худдорӣ менамоянд, зеро он иштиҳоро мекушояд.
Нет комментариев