Дар мактаб-парваришгоҳи махсуси ёрирасон ва Хонаи пиронсолон ва маюбони шаҳри Хуҷанд чорабиниҳои солинавӣ доир гардиданд, ки дар онҳо раиси шаҳр Раҷаббой Аҳмадзода иштирок намуд.

Дар оғоз раиси шаҳри Хуҷанд дар мактаб-парваришгоҳ бо тарбиятгирандагони ин муасссиса мулоқоти самимӣ анҷом дода, кулли ҳозиронро бо фарорасии соли нави мелодӣ самимона табрик намуд. Бо қувваи худи кӯдакони имконияташон маҳдуд ва кӯмаки мураббиён барномаи ҷолиби солинавӣ ба иштирокдорони чорабинӣ манзур гардид. Раҷаббой Аҳмадзода ба ҳамаи қудакони ҳузурдошта тӯҳфаҳои солинавӣ супорида барои таҳсилу ҳаёти минбаъдаашон комёбӣ орзу намуд.

Р. Аҳмадзода ҳамчунин бошандагони Хонаи пиронсолон ва маюбони шаҳри Хуҷандро бахшида ба соли нави милодӣ табрик намуд.

Бояд гуфт, дар хонаи пиронсолон 61 нафар шахсони бесарпаноҳ ва бепарастормонда истиқомат мекунанд, ки барои онҳо шароити мусоид фароҳам оварда шудааст.

Дар ин бора sugd.tj хабар медиҳад.