Бозиҳои комютерӣ хавфи сар задани бемории диабети қандро меафзояд.

0
1 800 просмотров

Олимон исбот карданд, ки бозиҳои комютерӣ ба саломатии наврасон таъсири манфӣ мерасонидааст. Вобастагӣ ба ин бозиҳо метавонад инсонро ба бемории диабети қанд, фарбеҳшавӣ, бехобӣ, бемадорӣ ва ғайра гирифтор намояд, ки инро муаллифони мақола дар маҷҷаллаи Plos One исбот кардаанд.
Феномени воқеӣ.
Олимон қайд мекунанд, ки сол аз сол шумораи кўдакон ва наврасоне, ки ба бозиҳои компютерӣ вобастагӣ пайдо мекунанд, афзуда истодааст. Ин омил ба ҳаёти иҷтимоии онҳо таъсири бад расонида, ба сар задани каслиҳои системавӣ оварда расонида истодааст.
Кэтрин Моррисон аз донишгоҳи Калифорния дар Фуллертони Иёлоти Муттаҳидаи Амрико, ки яке аз м уаллифони тадқиқот оид ба ин масъала мебошад, маълумотҳои асосии наврасон – геймерҳоро бо гурўҳи наврасони назоратшаванда, ки дар оилаҳои даромади молиявии якхела дошта ба воя мерасанд, муқоиса намуд. Пас аз ин маълум гашт, ки гурўҳи наврасони назоратшаванда аз гирифторӣ ба бозиҳои компютерӣ азият намекашидаанд ва дар онҳо хавфи сар задани бемории диабети қанд ба назар намерасад.
Барои баҳогузорӣ намудан ба ҳолати рўҳию ҷисмонии наврасон олимон аз соати «доно» истифода бурданд. Яъне онҳо тавассути соати «доно» набзи даст, фишори хун ва реҷаи хобравиро муайян намуданд. Ба ғайр аз ин, олимон барои назорати вазъи саломатии наврасон як қатор санҷишҳои маъмулӣ ва пурсиши мунтазам гузарониданд. Ин санҷишу пурсишҳо барои дарёфт намудани тағйирёбии сатҳи вобастагӣ ба бозиҳои компютерӣ имкон доданд.
Натиҷаҳои тадқиқот.
Яке аз мушкилоти маъмулӣ ва асосии наврасон, ки ба бозиҳои компютерӣ вобастагӣ доранду бе ин бозиҳо рўзи худро гузаронида наметавонанд, вайроншавии давомнокии вақти хоб ва сифати хоб гардидааст. Ин чиз дар навбати худ ба инкишофи вайроншавии мубодилаи моддаҳо оварда расонид, ки оқибати бади он ин фарбеҳшавӣ ва сатҳи баландӣ побандшавӣ ба бозиҳои интернет мебошад.
Наврасоне, ки вобастагиашон ба бозиҳои компютерӣ аз 14 балли имконпазир зиёда аз 10 баллро ташкил медиҳад, бештар аз сатҳи баланди холестерин, кори сусти масунияти оби зери ғадуди меъда азият мекашидаанд, ки ин ҳама тамоюли сар задани бемории диабети қандро баланд мебардорад. Олимон қайд мекунанд, ки ҳоло ин тадқиқот танҳо аз болои наврасон гузаронида шудааст. Вале онҳо ният доранд, ки дар оянда ин хел тадқиқотро аз болои калонсолон ва кўдакони нисбатан хурсол низ гузаронанд ва натиҷаи бади вобаста будан ба бозиҳои компютериро дар онҳо баҳогузорӣ намоянд.

Нет комментариев

Также рекомендуем

Мардони тоҷик дар кошонаҳои ҳусн

Агар дар гузашта теъдоди ками мардони тоҷик барои ороиши рӯю мӯи худ ба кошонаҳои ҳусн мерафтанд, ҳоло ба як кори маъмулии онҳо табдил шудааст. Кошонаи ...

Сообщить об опечатке

Текст, который будет отправлен нашим редакторам: