Бозии интихобии Ҷоми Ҷаҳон-2026 миёни дастаҳои Урдун – Тоҷикистонро ҳайати доварон аз Уммон доварӣ мекунанд

0
165 просмотров

Ҳайати довароне, ки дар бозии панҷуми даври дуюми мусобиқоти интихобии Ҷоми ҷаҳон-2026 дар гурӯҳи «G» миёни дастаҳои мунтахаби Урдун ва Тоҷикистон кор мекунад, маълум шуд.

Ин бозиро ҳайати доварон аз Уммон ҳакамӣ мекунад. Довари ФИФА Аҳмад Абу Бакар Саид Ал-Кафи 41-сола довари марказии рақобат таъйин шуд. Дар майдон ба ӯ ҳамватанонаш – ёварони довари ФИФА Абу Бакар Салим Маҳад Ал-Амрӣ ва Рашид Ҳамид Алӣ Рашид Ал-Ғаитӣ кӯмак мекунанд. Вазифаи довари эҳтиётиро Умар Муборак Мазоруса Саид Ал-Яқубӣ аз Уммон иҷро менамояд. Алоа Абед Ал-Қодир Неама Ал-Абадӣ аз Ироқ кори ҳайати доваронро назорат хоҳад кард. Ба ҳайси комиссари бозӣ Ту Ксилианг аз Чин таъйин шуд.

Қобили зикр аст, ки бозии даври интихобии Ҷоми ҷаҳон-2026 дар гурӯҳи «G» миёни тимҳои миллии Урдун ва Тоҷикистон рӯзи 6 июн дар Варзишгоҳи байналмилалии Аммон баргузор шуда, соати 20:30 ба вақти маҳаллӣ (соати 22:30 ба вақти Душанбе) оғоз мешавад.

Источник: Варзиш-ТВ

Нет комментариев

Также рекомендуем

Сообщить об опечатке

Текст, который будет отправлен нашим редакторам: